✧FAITH ZEICAN LEE✧
HINDI ko alam kung gaano katagal akong nakaidlip sa kama ni Summer. Boses ni Poppy ang gumising sa akin dahil naririnig ko siya, kinakabisa niya ang alphabet from A to Z. Wala si Summer sa tabi niya, mag-isa siya ro'n sa study table. Wala na rin si Love at Hope sa tabi ko.
Hindi ko makapa ang phone sa bulsa ko kaya 'yong suot kong relo na lang ang inangat ko para tingnan ang oras. 1:22 P.M na pala. Bakit hindi man lang nila ako ginising?
"Kuya Faith?" Nabaling ang tingin ko kay Poppy nang tawagin niya ako. Nakatingin siya sa akin at bahagyang nakangiti. "Kabisado ko na 'yong A to Z," proud niyang sabi, malapad ang ngiti niya.
Ngumiti rin ako at bumangon sa kama para lapitan siya. Tumayo ako sa tabi ng inuupuan niya at tiningnan ang mga sinulat niya roon. Sa unang pag
