"One cup of mocha, and a slice of dark chocolate cake. Enjoy your snack, ma'am," sabi ko sabay latag sa mesa ng order ng isang customer.
Bumaling ako sa wall clock. Alas-kwatro na pala ng hapon. Wala naman kasi kaming last period ngayong hapon kaya inagahan ko na ang pagpasok sa coffee shop. Sayang naman kasi ang oras.
"I must say, you're getting better with the orders," nakangiting bungad sa 'kin ni Alicia.
Ngumiti na lang ako. "Nasasanay na rin," sabi ko naman.
"Hindi ba susunod si Sir Paulo?" tanong pa niya.
"Wala namang pasabi sa 'kin. Hindi naman kasi kami sabay na umuwi," sabi ko.
"Madalas kasing magpalipas ng oras dito si Sir Paulo kapag wala na silang pasok o ayaw niyang umuwi. Bihira naman 'yun tumambay kung saan-saan," sabi naman ni Alicia.
"Ang dami pa namang customers ka
