"KAHIT naman sabihin mo pa kay Tyler na boyfriend ko si Engineer Labo, hindi na mahalaga 'yon," sabi ni Gwen kay Joy.
"He's a rich man, at alam kong alam mo na malabong wala siyang girlfriend. Wala kaming magiging ibang relasyon kundi friendship."
Nagkibit-balikat ito saka ipinamulsa ang mga kamay sa suot nitong cargo shorts.
"Oo nga pala, ano? Bakit ko ba laging nakakalimutan? Kasi naman hindi mukhang may girlfriend si Tyler. At baka nga wala itong girlfriend siguro takot kalang masaktan ulit kaya iniisip mo na may girlfriend siya. Pero kung totoong may girlfriend na iyon sayang siya."
Tahimik niyang sinang-ayunan ang sinabi nito. Siya ang unang-unang nanghihinayang na hindi na malaya si Tyler. Sa katunayan, pinipigilan lang niya ang atraksiyong nararamdaman niya para dito.
"Hindi
