Athena
Kaagad akong tumakbo mula sa kinaroonan ni Ethan na syang nakasalampak sa sahig.
Kaagad ko syang niyakap. Ayokong masaktan muli sya ni Enzo. Ako na lang ang saktan nya. Mas matatanggap ko pa kung ako ang sasaktan nya dahil kasalanan ko naman ang lahat ng ito.
Kung hindi ako umawat dito ay malamang na pinaulanan na ng suntok ni Enzo ang kaibigan nya. Galit na galit sya. At talagang nakakatakot sya kapag napatid na ang pisi ng kanyang pasensya.
"U-umamin ka ngayon Athena. Nagustuhan mo ba? N-nagustuhan mo ba ang halik ni Ethan?" Nanginginig na tanong nya sa akin.
Gusto kong magpakain na lang sa lupa dahil sa kahihiyang nararanasan ko ngayon. Pinapanood kami ng ibang mga estudyante habang nagtatalo. Kalat na sa buong klase ang ginawang paghalik sa akin ni Ethan. Hindi ko alam kung
