Athena
Hanggang makarating kami sa School ni Enzo ay naaalala ko palagi ang ginawa nyang paghalik sa akin kanina. Hindi ko na talaga sya kinakausap dahil sa tuwing mag-tatama ang mga mata namin ay kusang ngumingiti ang mga labi ko.
Pati sya ay napapangiti na rin kapag nagkakatinginan kami. Nakakainis sya!
“Hey Dude, miss na miss ka na namin. Halos isang linggo kang absent.” wika ni Galvert
Bahagyang nakuha ni Galvert ang atensyon ni Enzo. Iginiya nya si Enzo sa kanyang silya. Hindi ko alam kung ano ang pag-uusapan nila na hindi namin kailangang marinig.
Samantalang si Ethan naman ay wala pa rin hanggang ngayon kung kaya’t nagkaroon kami ng pagkakataong makapag-usap ng mga kaibigan ko.
“Ang hirap magkasakit di ba?” wika ni Amara
“Sinabi mo pa. Buti na lang may personal doctor kami ni
