Athena
Halos doblehin ko ang mga hakbang ko habang tumatakbo ako sa pasilyo ng Cavite General Hospital. Isa itong public hospital dito sa Cavite. Dito isinugod ni nanay si Tatay, nagpasama sya sa kapitbahay naming si Aling Dolores. Dahil wala naman kaming kakayahang magbayad ng pribadong ospital kaya naririto ngayon ang tatay.
Sa malayo pa lang ay tanaw ko na si nanay na nakaupo sa gang chair habang tila taimtim na nagdadasal. Katabi nya si Aling Dolores, isa sa mababait naming kapitbahay.
“Nay!” sigaw ko
Pareho silang napalingon sa akin. Kaagad na tumayo si Nanay mula sa kinauupuan nya. Bakas ko ang luha sa mga mata nya sa di kalayuan.
Niyakap ko agad si nanay. Nanginginig ang mga kalamnan nya habang yakap ko sya. Ramdam ko ang matinding takot sa kanya.
“A-ang tatay mo.. ang tatay m
