جنه قامت الصبح بدرى جدا قبل الفجر حاسه بتوتر شديد ونومها مش هادى يا ترى من الفكر وإلا خوف من عمر والفرق المادى والتفكير بينهم .. قامت صلت ركعتين وقاعده منتظره صلاة الفجر وبتسبح .. بعد وقت صلت الفجر لما أذن وقرات الورد اليومى بتاعها وقامت مسكت الفون وفتحت الفيس اتفاجئت بأتصال من عمر .. وبهمس عشان اخواتها نايمين : ألووو
عمر بهمس زيها : صباح الخير
جنه : صباح النور صليت
عمر ابتسم : الحمد لله وحشتينى قوى ونفسى أجيلك دلوقت
جنه وشها أحمر وسكتت بس ابتسامتها عريضه جدا
عمر : ماتزعليش يا جنه وحاولى تفهمينى وتقربى منى
جنه بهدوء : أنا فهماك بس أنت إلا مش فاهمنى يا عمر
عمر ضحك بصوت هادى : طيب نجيب مين يفهمنا إحنا الاتنبن نفسى أدخل جوا دماغك واطرد بعض الخفافيش إلا فيها تعرفى إن من إمبارح وأنا ما نمتش حاولت بس بصحى كل ربع ساعه ومخنوق قوى
جنه : ها تصدقنى لو قولتلك نفس حالى انا تعبانه قوى لأ
