SYKE
It was eight in the morning when I decided to leave my room. Pangalawang araw na namin dito sa Boracay. Niyaya akong mag-swimming ng mga kaibigan ko sa private pool na inukopa nila pero hindi ako sumama. Mas gusto ko ang maglakad-lakad sa labas at pagmasdan lamang ang magandang dalampasigan.
Hindi ko lang maintindihan dahil dinadala ako ng mga paa ko kung saan ko unang nakita si Syro. Tila na-ingganyo na akong makita siya at kausapin.
Napangiti naman ako ng makita ko siyang nakaupo sa couch. Lumapit agad ako sa kan'ya at naupo sa tabi niya.
"Hi again, buddy," masiglang bati ko rito. Mas lalo naman lumawak ang pagkakangiti ko ng sa wakas ay wala ng itong kyemi na ngumiti sa akin.
"Magandang umaga po," anito na abot langit ang ngiti. Tila natutuwa rin itong makita akong muli.
