GEORGE
Nagmamadali akong kumilos dahil naghihintay na sa 'kin sa sala si Kuya Gab. Tinanghali na kasi ako ng gising kaya ngayon ay kailangan kong bilisan dahil pareho kaming mahuhuli sa trabaho.
"Kasalanan mo 'to Syke," sisi ko sa dahilan ng pagkapuyat ko.
Madaling araw na ako natulog dahil panay ang vibrate ng cellphone ko. Kung hindi tawag ay text naman ang maririnig ko. Gusto ko na nga patayin ang cellphone ko dahil naiirita at nabibingi na ako sa tunog pero hindi ko naman magawa. Hinihintay ko pa nga ang pagtawag niyang muli.
May choice naman ako na patayin ang tawag nito ngunit hindi ko iyon magawa. Kapag may natatanggap akong mensahe sa kan'ya ay sinasagot ko naman iyon. Kapag tumatawag siya, sinasagot ko ang tawag niya. Ewan ko ba, kinikilig ako sa tawag at text niya. Wala na
