“Nag-enjoy ka ba?” tanong ni Kaye. Tumango naman siya at ngumiti.
“Oo naman, sa susunod weekend tayo pumunta para puwde akong magtagal. Ipagpaalam niyo rin ako sa Mama ko,” wika niya. Kaagad na nagngitian naman ang mga ito.
“Tara, hatid ka na namin sa labas,” ani Tati.
“Huwag na, kaya ko na, Pasensiya na talaga ha. See you sa Monday,” aniya pa at nagpaalam na. Nakangiting lumabas naman siya at naglakad papunta sa sakayan ng traysikel. Medyo madilim na sa unahan ng Greene High dahil private property iyon. Wala ang may-ari. Napahaplos si Karissa sa braso niya nang makaramdam ng kakaibang pakiramdam.
“Hi Miss,” ani ng boses lalaki. Kaagad na nabuhay ang kaba ni Karissa nang lumingon siya at nakita ang mga lalaki sa club kanina. Napahawak siya nang mahigpit sa damit niya.
