AIRAM PAULEEN
Dahil sa pagod at puyat ay nakatulog na ako ng hindi kumakain. Nagising lang ako ng may marinig ako tumatawag sa labas ng aming bahay.
"Pau! Tao po..." napabalikwas ako ng bangon, kinuskos ang aking mahapding mata at lumabas ng aking silid.
Nakita ko si Anne na nakatayo sa labas.
"Ikaw pala Anne, anong ginagawa mo dito? Bakit ka ba tawag ng tawag?" Sabi ko sa kanya.
"Ibibigay ko lang sana itong pera, nag ambagan kami kagabi sa club para may maitulong kami sa Tatay mo. Alam mo ba na ang ibang customer na nakakakilala sayo ay nagbigay din. Kaya malaki-laki ang nalikom namin kagabi dahil sa kanila." Sabi sa akin ni Anne.
"Anne, maraming salamat ha, alam mo naman kung gaano kalaki ang problema ko. Nadagdan pa itong atake ni tatay, hindi ko na talaga alam ang gagawin ko." m
