"MA? Maggagabi na, hah? Bakit po ngayon ka lang?" alalang katanungan ni Ellie pagkauwing-pagkauwi ng ina. Sa katunayan ay kanina pa dapat siya umalis kundi lang niya hinintay na makauwi ang ina. At mas tumindi pa ang kaniyang pag-aalala nang mapuna na tila hapong-hapo ito.
"Ah.. a-anak.. sinikap ko kasing ubusin ang mga labahin ng amo ko, e," tila nahihiyang kasagutan nito gayong batid nito na kanina lang ay pinaalalahanan niya pa ito na magpahinga kapag may time.
Agad na nagsalubong ang kaniyang kilay sa narinig. Isipin niya pa lang kung anong sakripisyo ang ginawa ng kaniyang ina gayong katumbas naman niyon ay ang posibleng epekto sa kalusugan nito. "Hay, ma, na-a-appreciate ko ang sakripisyo mo para sa pamilya natin, pero hindi sa lahat ng oras ay ikaw si wonderwoman na kakayanin mo
