ISANG ARAW bago ang pasukan nila Ellie ay nagawa niyang magpunta ng book store para bumili ng ilang mahahalagang gamit katulad ng mga notebook at ballpen. At dahil night shift naman ang schedule niya sa school ay magkakaroon pa rin siya ng oras para sa vlogging at workshop. Matatandaang
ilang araw na rin magmula nang huli silang magkasama ni Ronnie at inip na inip na ang kanilang mga fans para sa progress ng love story nilang dalawa. Na para sa kaniya'y nais niya na lamang tawanan dahil paniwalang-paniwala ang mga fans sa kanilang palabas. Ang totoo niyan ay madalas nilang pag-usapan over the phone ang kanilang susunod na content ni Ronnie subalit ang hindi niya maintindihan ay kung bakit parang unti-unti itong umiiwas sa kaniya. Sinubukan niya pa nga itong tanungin kung may problema ba,
