HINDI na nag abala pa si Hellmohr na kumatok sa nakasaradong pintuan ng kwarto ni Belle nang umaga na ‘yun. Hindi na siya umaasa na makikita niya na gising na ang dalaga sa kaniyang pag pasok sa kwarto nito kaya hindi na siya nagulat pa nang makita niya si Belle na nakahiga pa rin sa kama habang balot na balot pa ng kumot at natutulog pa rin. Walang emosyon lang siya na nakatitig sa dalaga bago siya nagsimulang gisingin ito.
“Hey. Wake up!” walang emosyon na saad niya kung saan ay tinabig niya pa ng konti ang paa nito. “Gumising ka na diyan.” dagdag niya pa.
Bakit ba kasi nakalimutan niya na sabihin kay Belle kagabi na may lakad sila ngayong umaga? Eh di sana ay hindi na siya ngayon nag aabala sa pag gising dito. Hindi niya tuloy maiwasan na mapabuga nang malalim na hininga at napailing-
