Halos tumunog ang gulong nang sinasakyan na kotse ni Zari nang tuluyan na itong nakarating sa malaking bahay na pag-aari ng kaniyang kaibigan na si Hellmohr. Katulad nga nang napag-usapan nilang dalawa ng kaniyang kaibigan na si Celeste kagabi kung saan ay nag presinta siya para puntahan ang binata... at ‘yun nga ang ginagawa niya ngayon. Nasa loob pa lang siya ng kaniyang sasakyan na itim na Mustang ay kitang-kita niya na agad ang nakasaradong gate ng bahay ni Mohr. Sa labas noon ay doon nakatayo ang dalawang bantay ng mansyon na nakakulay puti pa ng polo at kapansin-pansin din ang ear piece na nakasuot sa mga tenga nito.
Kinuha niya na ang kaniyang pinakamamahal na baril na kanina pa nakapatong sa may shotgun seat. Alam naman niya na hindi naman niya kakailanganin ang baril na ‘yon pero
