ISANG paglagok ng alak ang ginawa ni Hellmohr habang hawak-hawak niya ang shot glass na inabot sa kaniya ni Lucan. Kasalukuyan lang na nasa bahay siya ngayon ng kaibigan niya at hinihintay nila ngayon na dumating si Eiji. Si Eiji na lang kasi ang hinihintay niya bago niya sabihin ang dahilan nang pag punta niya rito. Sa katunayan niyan ay katatapos niya lang pumunta sa pinaka-huling meeting niya sa pinakahuling investors na meron siya para sa araw na ‘yon. Doon na siya tumuloy sa bahay ni Lucan dahil saglit lang naman siya doon, wala naman kasi siyang balak na mag tagal pa lalo na at nag-iisa lang sa bahay niya si Belle at tanging mga tauhan niya lang ang kasama ng dalaga do’n. Sa may hide out na lang sana sila magkikita-kita kaya lang nabalitaan kasi niya na doon nakatambay ngayon si JS.
