الحلقة 8 (الجزء الثاني)

1701 Words

عز:انتي بتحبي الشيكولاته مش كدا حاسك متضايقة قولت اجبهالك حاجة صغننه كدا اوتار جالها خيبة امل انه يتقدملها وهي بتهمس لنفسها:انتي فاكرة انه ممكن يتقدملك انتي انتي فعلاً غ*يه عز لما فكر فكر في النسخه بتاعت ليالي...مش فيكي... مسحت دموعها وهو مركز معاها وحس بضيق بسبب دموعها والنادلة جبتلهم العصير عز:انتي كويسة اوتار ساكتة وبتمسح دموعها اللي رافضة تقف عز ابتسم بحنان:اشربي مالك زعلانة ليه بس اوتار:ملكش دعوة بيا لو سمحت عز بغيظ:بقى كدا اوتار:اه عز ابتسم:طب بطلي عياط واشربي واهدي كدا اوتار شربت براحة وهي بتمسح في دموعها لحد محست بحاجة لامست شفايفها نزلت الكوباية بسرعة عز مبتسم:مالك يا اوتار اوتار بقلق:عز في حاجة غريبه في العصير عز مبتسم وقرب يضحك:حاجة غريبة!اكيد فواكه يا روحي اوتار:لا معدن حاجة حديد عز ضحك:بس هو مش حديد اوتار بصتله وبصت لضحكته وبتردد مدت ايدها في الكوباية وطلعت الخاتم وهو مبتسم وهي بصتله بس محبتش تتعشم ولا تجرح نفسها:ايه دا عز:انتي شيفاه ايه اوتار بصت من جواه لقته محفور عليه اوتار وعز تحت بعض وحرف A مشترك بينهم كانهم كلمة واحدة بصتله وقلبها بينبض بسرعة حست ريقها ناشف جسمها تلج اكيد دمها نشف وهو قرب قعد قدامها على الارض وهي قاعدة على الكرسي ومصدومه وجت تقف ثبتها بإيده عز:تقبلي تتجوزيني اوتار بصتله بصدمه وهو مسك ايدها لقاها متلجه وشايف حركة ص*رها بيعلى وبيهبط وكأنها بتحارب عشان تتنفس عز ضحك:ايه استهدي بالله كدا اوتار حست ان الأ**چين خلص:انت بتقول ايه..انت... عز ابتسم:بقول ايه بقول عايز اتجوزك عايز اتجوزك ايه المشكلة لما تبقى مدام عز الدين سليم المنشاوي يعني اوتار عيطت وبقت تشهق عز بضيق وقلق: اوتار بتعيطي ليه اوتار: عشان انا مش مصدقة انت عايز تتجوزني ليه عز ابتسم بحنان: عشان بحبك عشان في اليومين دول نستيني كل حاجة خلتيني افكر بس انك مش لازم تبعدي عني ولازم تفضلي جمبى انا بحبك يا اوتار بحبك فعلاً ومرتاح اني قولتلك شعوري من اول مشوفتك ملهاش علاقة بالعشرة ولا بالسنين ولا بأي حاجة غير اني اول مشوفتك قلبي دق احساس بالكهربة كل مبلمسك حاجات ممكن متصدقيهاش بس بتحصل معايا ومعاكي انتي بس...انا بحب ليالي ومش هنساها بس اتمنى انك تتقبلي دا ومهما كان مفيش حاجة تأثر على علاقتنا كل اللي اوتار بتعمله انها بتسمعه وبتعيط بإبتسامة وهو خد الخاتم منها ولبسهولها: ميتقلعش من ايدك بقى ولا عندك رأي تاني اوتار بصاله وهو مسح دموعها:انتي بتعيطي ليه اوتار: انت منتظر مني اني ابقى كويسة انت عارف اني كنت واثقة اني عمري مهسمعها منك واني بس هعيش على ذكرياتنا انا بحبك جداً يا عز لدرجة اني تايهه حاسة اني في حلم وهفوق منه بس لا لو دا حلم انا عايزة افضل نايمة عشان افضل طول عمري اسمعها منك فعلاً ولا بالسنين ولا بالعشرة بالراحة انا اول مشوفتك ارتحتلك واتشديتلك رغم جمودك عز ابتسم وهو بيمسح دموعها: طيب عشان خاطري عندك متعيطيش اوتار هزت راسها بإيجاب وابتسمت وبصت للخاتم بإنتباه: عز.... دا الماظ؟؟؟ عز ابتسم: وهو يغلى عليكي؟ اوتار: بس دا كدا انا ازاي همشي بيه وهخاف لو عز ضحك: ايه يا عمري انتي نسيتي انك صاحبة املاك وخلاص كلها سنة وتستلمي املاكك ومحدش هيبقى واصي عليكي اوتار: بس انت عرفت ازاي مقاسي دا على قدي بالظبط عز خرج الخاتم بتاعها اللي لقاه في الأوضه ومدهولها:مكنتش اعرف يوم ملقيته اني هحتاجه بس هو ترتيب ربنا بقى اوتار ابتسمت:عز وانت فين الخاتم بتاعك عز:امممم لو معندكيش مانع دا يبقى بتاعي اوتار ضحكت:بس جه على مقاسك؟ عز:هو مقاسك دا يجي على مقاس طفل لما يجي على مقاسي اوتار كشرت:متتريقش عليا عز ضحك:حاضر يا عمري دا جه على مقاسي وحاطه في صباعين مش صباع واحد اوتار ضحكت:طب ازاي هتلبسه عز:كدا خرج سلسلة فضة وحطه فيها ومدهالها:وحضرتك تلبسيهالي اوتار ابتسمت ولبستهاله وانتبهت: بس دا مش صح مينفعش الراجل يلبس سلسلة فضة منهي عنه عز: اممم منا عارف يا روحي وعشان كدا في بديل خرج المدالية بتاعته وقلع السلسلة وعلقها في المدلية بتاعت المفاتيح ولفها كذا مرة عشان تبقى في مستوى المفتاح بشكل جميل وجذاب ابتسمت اوي بس بصتله بإستغراب:اومال خلتني البسهالك ليه عز ابتسم:عشان حابب كدا اوتار ابتسمت وهو بصلها وهي قريبه منه وبص لشفايفها وقرب وهي بعدت بسرعة وهزت راسها بنفي وهو مسك ايدها عشان متبعدش اكتر:ايه يا اوتار انتي مش بتحبيني اوتار بصت لتحت وبعدت ايدها:لا بحبك... عز:اومال مش واثقة فيا اوتار:لا طبعآ واثقة فيك عز:اومال بتبعدي عني ليه اوتار:عشان بحبك يا عز عشان عايزة ربنا يبارك في علاقتنا عشان مش عايزة اي حاجة حرام فلو سمحت بلاش.. عز افتكر Flashback عز:دلوقتي بقيتي خطيبتي راسمي يا عمري ليالي حضنته وابتسمت:انا بموت فيك عز:وانا بعشقك يا روحي ليالي ابتسمت وحضنته وقربت باسته وهو اتفاجأ وهي بصتله وابتسمت:ايه كلها كام يوم ونكتب الكتاب وتبقى جوزي عز بعد:لما تبقي مراتي ليالي حضنته جامد وباسته:انا راضيه يا سيدي عز بصلها بإستغراب وهي مبتسمة وقربت باسته وهو حاضنها back اوتار:سرحت في ايه؟ عز ابتسملها :على العموم مش هنطول وهنتجوز بسرعة كمان اوتار ابتسمت:كمان.....عز انت بجد بتحبني بجد انت حاسس انك بتحبني بص حواليه مش عارف ازاي يثبتلها وبص لكاس العصير بتاعها وابتسم مسكه وبيشرب منه مسكته:عز انا حطيت ايدي فيه ولمست الترابيزة هنا وكذا حاجة لمستها والعربية وكنت عز ضحك وشربه كله:انا عارف والله اوتار بذهول:عز؟ عز مسك ايدها باسها وهي سحبتها بإحراج وهو ابتسم:بحبك وبحب كل حاجة فيكي ومبق*فش منك وبموت فيك... اوتار ابتسمت وهو وقف وسحبها وهنا الموسيقى اشتغلت كانت موسيقى جميله جدآ وهي بصاله وهو غرقان في لون عينيها البنفسجي اوتار انتبهت وهي مش حابة ترقص معاه ومحرجة:عز انت عندك شغل قولتلي عندك شغل عز:اووووف بقى مش عايز اروح بس في مهمة بكرا ولازم ابقى موجود اوتار:طيب روح وبعدين مش عيزاك ت**ل ابدآ ابدآ عيزاك تتقدم دايمآ وتبقى ناجح جدا جدا عز ابتسم وباس ايدها:ربنا يخليكي ليا اخر اغنية واطير اوصلك واروح بسرعة اوتار ابتسمت وهزت راسها بإيجاب وهو عمل للنادلة حركة بإيده اربعة وهي ابتسمت وشغلتلهم الأغنية اوتار عينها بقت داكنه وبصاله عز:تؤ تؤ مش عايز اي عصبيه غمزتلها من شوية عشان تحط الخاتم في العصير ودلوقتي تشغل الأغنية وخليكي عارفة مش معنى اني بضحك لواحدة ولا بتعامل معاها ولا حتى حضنتها ولو وصلت اني ابوسها حتى يبقى في بينا حاجه اوتار بعدت عنه بغضب:صح المفروض ان حضرتك تخلف منها مثلآ عشان يبقى ليا عذر اتضايق عز ضحك ومسك ايدها حطها على كتفه:لا انتي مش فهماني لازم تسأليني عن اي حاجة مضيقاكي متشكيش فيا ابدآ لأني اخترتك يا اوتاري وبعدين مش يمكن اكون في مهمة وخلي بالك انا بعرف اتحكم في نفسي اووي جدا يعني الا قدامك انتي القلب بيض*ب العقل وابقى مش عايز حاجة غير انك تبقي جمبي اوتار ابتسمت: انا واثقة فيك بس انا غصب عني مبتحكمش في غيرتي عز راعي حاجة زي دي عشان بجد بتبقى حاجة صعبة عليا عز: من غير متقولي انا خلاص مش مستعد اشوفك متضايقة.... اوتار ابتسمت وبقوا يرقصوا على اغنية قابلتيني (اسيبكوا تعيشوا شوية مع كلمات الأغنية) يااااه كان في واحد ولا فارق معاه عايش حياته بين هنا وهناك ولا حد شاغل قلبه لااا... اااه.... اااه مييين حالآ هقولك هو مين بينك وبينه يجي خطوتين ونفسه يقولك كلمتين..ااه اااه قابلتيني غيرتي كل حاجة ليه في عنيا اه من اللي حبك عمله فيا واللي لسه هتعمليه...... اااه قابلتيني غيرتي كل حاجة ليه في عنيا اه من اللي حبك عمله فيا واللي لسه هتعمليه...... اوتار مبتسمه وهو بيرقص معاها بمهارة وعينه متعلقة في عينها ~لييه انا عشت دنيتي ليه رد السؤال دا هتعرفيه لو حضني تيجي ثانية فيه.. كااان كان جوا قلبي في مكان متساب عشان من زمان خدتيه خلاص ان الاوان... قابلتيني غيرتي كل حاجة ليه في عنيا... اه من اللي حب انتي عمله فيا واللي لسة هتعمليه...... اوتار ابتسمت وهو ابتسم..... عز:تحبي نتصور؟ اوتار هزت راسها بإيجاب وهو خرج التليفون وقعد يصورها معاه اوتار:حتى دي ماهر فيها الصور جميله جداً عز:عشان انتي فيها طبيعي هتكون جميله يا روحي وبعدين بصي كلهم عينك فيهم بنفسجي اوتار ضحكت:طب اعمل ايه طيب مهو بمزاجها عز ابتسم: وبمزاجي انا بعشق اللون البنفسجي دا بموت فيه بس في عيونك النادرين دول عمري مكنت بحبه بس لما جيتي حبيت كل حاجة خاصة بيكي اوتار ابتسمت وهو باس ايدها وقرب يبوسها بعدت بسرعة: يلا بقى عشان تروح شغلك عز اتن*د بخيبة امل وابتسم غصب عنه: يلا اتلقيهم على نار يعرفوا في ايه اوتار: بس انا مش هقولهم حاجة عز: انتي براحتك يا عمري بكرا انا هقولهم كلهم قبل ممشي هتبقى احلا واجمل حفلة يا روحي اوتار بصتله وهما ماشيين: انت بجد بتحبني يا عز يعني بجد حاسس باللي بتقوله دا ولا انت محتاجني... يعني محتاج زوجة معاك وخلاص عز وقف وحاوط وشها: لو محتاج زوجة وخلاص فدا بعيد كل البعد عن الحقيقة عشان انا مكنتش ناوي ارتبط بأي شكل بعد موت ليالي لحد مشوفتك لحد محبيتك وبقيت عايزك جامبي دايما ومفيش غير الجواز اوتار ابتسمت عز: يلا بقى يا روحي وبلاش الاسئلة اللي ملهاش طعم دي اوتار ضحكت وهزت راسها بنفي وركبت معاه وهو مشغل اغاني وهو بيغنيلها معاهم كانه مصدق انه اعترفلها وهي بتضحك كان اسعد يوم في حياتها وحياته اوتار جت تقلع الخاتم مسك ايدها وهي بصتله: ايه ايدك عز: ايه ايه بس انتي بتعملي ايه اوتار: مش قولت هتعرفهم بكرا هياخدو بالهم عز هز راسه بنفي: لا ميتقلعش من ايدك وايه يعني لو حد عرف ميعرف اوتار: بس عز: ميتقلعش من ايدك وخلاص يا اوتار اوتار ابتسمت وهزت راسها بإيجاب: امرك يا حضرت الرائد عز ابتسم وقرب يبوسها وهي نزلت بسرعة شاورتله سلام وجريت على جوا وهو ضحك ومشي اوتار دخلت وحسام وتالين وعمران وزياد وقفوا قدامها: ايه اوتار بعدت وضحكت: انتوا اللي ايه ايه الهجوم دا تالين قربت بفضول : ايه بقى احنا هنخبي اوتار: نخبي ايه بس تالين لحظت في حاجة في ايدها بتلمع... ومسكت ايدها: عمران بص ايه دا عمران بص ودقق النظر: دا الماظ.... اه والله انا عارفه زياد بصدمة: عز اللي اداهولها؟؟ تقى وراهم والغل مليها: عز ايه اللي يدهولها انتوا اتجننتوا ولا ايه ودي تبقاله ايه اصلآ؟؟ اوتار بصت لتقى وابتسمت بثقة: متصدقيش حاجة زي كدا صح غلبانه اوي انتي ولا نقول غ*ية؟ طلعت اوتار بسعادة وحسام راح مزغرط وكلهم ضحكوا احلام: ايه المسخرة دي متتلموا سارة شدت اوتار وهي خلاص استنفذت كل ذرة صبر فيها: كنتي فين معاه اوتار بعدت ايد سارة بق*ف:ايدك متلمسنيش فاهمه يا(بصتلها بسخرية)يا طنط سارة بغضب: انطقي يا ظريفة كنتي فين معاه اوتار بإبتسامه مستفزة: وانتي مالك سارة: انتي شكلك متعرفيش انتي بتكلمي مين اوتار بغضب اتملكها وخلاص مبقاش عندها صبر تصبر على سارة: انتي اللي متعرفيش انتي بتكلمي مين اوتار رعد السويدي الوريثة الوحيدة لشركات رعد السويدي وهتبقى حرم الرائد عز المنشاوي قريبآ امم بس دي مفجأة يا ريت تحافظي على السر عشان حبيبي هيعرفهم كلهم بكرا سارة بصتلها بصدمه: انتي كذابه اوتار فتحت ايدها قدام وش سارة وقربتها من عينها عشان تشوف الخاتم: هو اللي لبسهولي سارة بعدت بصدمه سندت على الحيطة واعصابها باظت ..... #يتبع

Free reading for new users

Scan code to download app

App Store Google Play

Facebookexpand_more