الشرف ( الجزء الثانى )

بدأت اكتب الجزء الثاني من الشرف ولازم أخلصها كتابة قبل رمضان علشان تنزل فى العيد إن شاء الله ?ده هيبقى عيد ما يعلم بيه إلا ربنا ? فدلوقتى بقا مضطرة أنزل فصل واحد علشان أفرغ وقت للكتابة وممكن اوقات زى ما ادمن سالى قالت انزل فصلين بس هيبقوا مع بعض وبما إن ده الإعلان الأول عن الرواية فمش هصدمكم طبعا وجبت لكم اقتباس خفييييف جدا ? أما الأحداث عن إيه ? هتموتى صدجينى هتموتى ?? _____ استغل مهران إنشغال الجميع ليتوجه لغرفة طايع وهو عازم على تسكين السكينة بين أضلعه التى تخلو من قلبه وهو يكتفى بالألم والصمت ، أغلق الباب واقترب بهدوء ليجلس بطرف الفراش نظر له طايع ليبادله مهران بتحدى ويتساءل : فيك إيه ياواد ابوى ؟ ص*رك جايد نار !!! حمحم طايع بحرج : انت بتجول ايه يا مهران ؟ نار إيه ؟ ضحك مهران وهو ينظر له بثقة : جلبك جاد نار لاچل اتحددت بس والرجالة جاعدين ! هتسوى كيه لما ياخدها راچل غيرك ؟ شحب وجه طايع : انت تجصد ايه ؟ مهران : اجصد اللى كنت بتنادم عليها وانت مواعيش . تعرف لو كان بوك ولا بوها سمعك كان هيحصل ايه؟ اضطرب طايع ليقول مهران بحنان : لما انت عاشجها إكده ساكت ليه ؟ يزفر طايع بحزن : انت بتجول ايه يا مهران ؟ هى كتير جوى علي . انى ... ليقاطعه مهران بحدة : هى إيه !!! انت مستجل بروحك ليه يا خوى انت مهندس كد الدنيا وزينة الرچال طايع : وهى نچمة فى السما بعيدة جوى يا خوى شعر مهران بالغضب فأخيه لا يشعر بقيمة نفسه كرجل ، حسنا يحتاج للإفاقة من هذا التوهم وتصغير الذات ، لابد أن يصفعه ليفيق من هذا الوهم ، لكن الصفعة ستكون مؤلمة جدا فسيتلقاها قلبه ، لكن لابد له من ذلك . اكفهر وجه مهران لحظات ثم قال : هى نچمة فى السما صوح وانت يد*ك متكتفة . خلاص يا خوى هملها للى يجدر يطولها إنتفض طايع ليأن بألم فزع له مهران لكن لا سبيل للتوقف الأن عليه أن يحارب لأجل من يحب ، تظاهر بالبرود وهو يقول : هيبة واد عمى وسطنى فى موضوع إكدة وانى شايفه زينة الرچال اتسعت عينا طايع بفزع وانتفض مرة أخرى ممسكا بذراع أخيه : لاه أنى اموت لو خدها غيرى يا مهران . نظر له مهران بحدة : الراچل يا خوى لازمن يشوف حبيبته نچمة فى السما وعالية وغالية لاچل ما يجدر يحافظ عليها وماي**رش جلبها لكن لو شافها اعلى منيه أو كتير عليه يبجا ماينفعهاش لأنه مستجل برچولته واللى يستجل برچولته مايحافظش على حرمه واصل . أغمض طايع عينيه ليسيطر على ألمه الجسدى والنفسى : خلص يا واد ابوى أنى أولى من واد عمك اتوسط لى أنى عند عمى لينقلب حال مهران إلى النقيض ويدعى البراءة : وهيبة رايد إيه من عمى لأچل اتوسط له ؟ طايع بتعجب : انت مش لسه جايل هيبة رايدك تتوسط له يخطبها !! مهران ولا زال يدعى البراءة : !!! أنى چبت سيرتها دلوك ؟ نظر له طايع بحيرة لينفجر ضاحكا : اعترفت بلسانك يا واد ابوى لم يزل الخوف عن ص*ر طايع : أمال هيبة رايد مين ؟ نهض مهران متجها للخارج : رايد اللى رايدها عاد .مالاكش صالح . خليك في نچمتك العالية توقف لوهلة ينظر له بحنان : طاوع جلبك يا طايع وجرب خطوة وإن كانت نچمة فى السما كون ليها السما اللى تضمها وتحميها وغادر مهران تاركا طايع يتخبط بين شوقه لها وبعدها عنه ?????? ايه العقل ده يا عم مهران ? هذا الشبل من ذاك الاسد ??واد رفاعى هيكون ايه عاد ؟؟? ✋✋مهران مرتبط يا بنات ??? هنزل لكم صور الأبطال كمان يومين ?