CHAPTER 77
Nang araw na iyon at mga sumunod na araw, nagpatuloy ang pangungutya nila sa amin ni Jane sa set. Si Paolo lang ang magaling umakting sa aming tatlo kasi nagta-talent na siya dati pa kaya medyo nahasa na siya. Siya ang kinabiliban ng lahat. Hindi ko alam pero kung si Paolo naman ang kaeksena ko, napapalakpak ang lahat. Nagtataka pati ang director namin sa kung anong nangyayari sa akin at kung sa kapareha ko, okey naman. Maayos ang kuha namin ni Paolo ngunit kug iharap ako kina Kai at Zanjo na love team ni Kai, nawawala ang focus ko, nangangatal ako, nangangatog. Sa bawat panlalait nila at tawanan, iniipon ko sa dibdib ko. Sa tuwing nauutal kami ni Jane, sinasabi kong may oras din ang babaeng ito. Sa tuwing hindi namin mabigyan ng hustisya ang character na naibigay sa amin at na
