CHAPTER 78
Pagkatapos ng eksenang iyon na sinabon ni Direk si Kai ay masaya akong lumapit kina Jane at Paolo. Sinalubong ko ni Paolo at niyakap.
"Hindi ba? Sabi ko sa'yo kaya natin?" bulong ni Pao sa akin.
“Oo nga. Salamat sa Diyos dahil ngayon, kaya na nating makipagsabayan.”
“Kinakabahan ako sa eksena uli namin mamaya ni Zanjo baka mawala ako at gantian niya ako sa ginawa ko kay Kai."
"Alam kong kaya mo siya. Kinaya mo na si Kai kanina kaya walang dahilan na hindi mo kayanin si Zanjo," pagpapalakas ni Paolo sa loob ko.
Hanggang sa eksena na namin ni Zanjo na love team ni Kai na ilang beses rin akong hinaya at tinawanan.
"Anong gusto mong gawin ko? Manatiling magbulag-bulagan sa mga ginagawa sa akin at sa ate ko? Brent, hindi lang sa'yo umiikot ang mundo. Hindi dahil hindi alam ng
