NAPANSIN ko ang mga kasama kong inayos ang mga suot na damit. May mga naririnig akong bulungan, "Humanda kayo! Mga San Huwes iyan!" Hindi pwedeng magkamali, hindi pwedeng may mali.
Makailang ulit akong lumunok. At huminga ng malalim. Inihanda ang sarili. Nang biglang hawakan ni Evan ang kamay ko. "These are the people who step on you, Moon. Hindi ka dapat matakot. Lumaban ka." Ang bibig niya'y halos dumikit na sa tenga ko. Pinagsalikop pa niyang lalo ang mga kamay namin. At nakita iyon ng marami pagsulyap ko sa mga nakapaligid sa amin.
Kahit si Don Diego ang unang humakbang papasok ng hotel ay ang lalaki sa kanyang tabi ang humuli ng atensyon ko. Charcoal executive suit ang suot niya. Seryoso. Kagalang-galang. Malinis ang pagkakasuklay ng buhok at parang gustong tumalon ng puso ko sa ba
