NAPANGANGA si Gracia. Karamihan sa kanila ay napatingin na rin sa akin. Ang iba ay nagtataka, ang iba'y nagtaasan ng kilay at si Evan, parang galit. Nakatitig lang kasi siya sa akin at bahagyang nakatiim ang bagang. Napayuko tuloy ako.
"As I was saying..." Nagpatuloy si sir sa mga sinasabi niya. Ilang beses pa niyang inulit-ulit kung gaano kaimportante ang trabaho namin sa pagpapanatili ng kaayusan at kalinisan ng hotel. Para tuloy nanibago ako sa kanya. Hindi ako sanay sa kanya na ganito siya. Sobrang seryoso. Hindi kasi ganito ang berdeng Evan na nakilala ko. Maya-maya ay pinabalik na niya ang lahat sa kani-kanilang istasyon.
"Hoy Venus! Sumunod ka sa 'kin sa locker room. Mag-uusap tayo." Si Gracia. Alam kong kanina pa siya kating-kati na usisain ako.
"Moon! Follow me to my office." N
