MULI kong tinitigan ang babae. Sobrang dami siguro ng nainom niya para magkaganito siya. Nakayupyop ang ulo sa sariling balikat at nakabuyangyang ang hubad na katawan.
Mabilis kong tinanggal ang mga suot ko. Saka ko siya binihisan bago pa siya malamigan at magkasakit. Kargo de konsensiya ko pa anoman ang mangyari sa kanya.
Long sleeve na itim at brown na pantalon. Iyon ang mga ipinasuot ko sa kanya. Wala pa ring malay, may mga sinasabi siya ngunit hindi ko maintindihan.
Nagdalawang isip ako kung isusuot ko ba ang damit niya. Masyado kasing revealing at hindi ako sanay sa ganito.
Napatingin ako sa iba pang damit na hinubad ko. Makapal na jacket at girdle. Kapag isinuot ko ang maikling bestidang hawak ko, isa lang ang matitirang panloob ko. Dahil katulad ng babaeng nakangiti sa akin ng
