Two Years Later
Mabilis ang dalawang taon kapag ang ginagawa mo lang talaga ay umiwas. Hanggang sa hindi mo nalang mamalayan na 2 years na pala ang matulin na lumipas. Hindi niya namalayan kung kailan nagsimulang lumiit ang mundo niya. Walang dramatic na desisyon, walang iyak sa ulan tulad sa mga drama sa TV, walang “I’m done” moment. Isang umaga lang na hindi na siya lumabas ng kuwarto… at sinundan iyon ng isa pa. Hanggang sa naging normal na lang ang manatili sa loob ng bahay nila, naka-pajama, may laptop sa harap, at kape na malamig dahil nakalimutan niyang inumin at messy buns na buhok na parang hindi na na sha-shampoohan.
Simula nang umalis siya sa MetroBeat, literal na nag-shutdown si Luna. Hindi siya nagtrabaho sa ibang media company, hindi siya nag-apply, hindi siya naghanap. B
