MAHIGPIT na napayakap si Shantel nang dumating si Rafael sa lugar na kinaroroonan niya. Hindi niya napigilan ang sarili na humagulhol ng iyak. Awang-awa naman ito sa kanya kaya hindi magkandatoto sa paghagod sa likod niya.
"Calm down, 'heart," sabi nito. "I'm here now. You are safe."
"Napakawalang-hiya ni Melgar," putul-putol niyang sabi. "Hindi ko inaasahang gagawin niya sa akin 'yon."
"Iyan na nga ang kinakatakutan ko," sabi ni Rafael na nagtiim-bagang. "Hindi talaga mapagkakatiwalaan ang Melgar na iyon. Mabuti na lang at hindi siya nagtagumpay sa masama niyang balak."
Kumalas siya sa pagkakayakap sa lalaki. "Ilayo mo ako sa kanya, Rafael. Natatakot ako sa kanya. Ayaw ko nang bumalik pa sa resort."
"Talagang hindi ka na babalik pa doon, Shantel. Pero pagbabayaran niya ang ginawang k
