May ngiti sa mga labi ko habang inaayos namin ni Nanay Carol ang mga gamit namin.
"Oh bukas start ka na ah? Pupunta pa rin ako dito, papanoorin kita at kapag alam ko na kaya mo na talaga saka kita iiwan kay Hendrix, okay ba iyon Brielle?"
"Ay oo naman po Nanay Carol, wala pong problema doon," masaya kong sagot.
Tumango naman siya. "Sandali at sisilipin ko si Hendrix para makauwi ka na rin."
"Sige po," sagot ko.
Kaagad naman nanlaki ang mga mata ko nang ma-realize ko ang sinabi ni Sir Hendrickson kanina at feeling ko rin kasi na hindi alam ni Nanay Carol ang tungkol sa kanila ni tomato girl kaya mabilis kong hinarang ang pinto ng office ni Sir Hendrickson. Mukha akong starfish dahil sa posisyon ko na halos binat na binat ang paa at kamay ko para lang mapigilan siyang pumasok dahil baka
