SAMANTHA
Habang nakatingin sa may bintana sa may kwarto nila ni Allen ay hindi niya maiwasang mag-isip. Maraming mga bagay ang pumapasok sa may isipan niya.
Sa ngayon, napakalaking tulong ng ginagawang medication at psychotherapy ni Mara sa kan'ya at napakalaki ng pasasalamat niya rito.
Unti-unti na kasing bumabalik ang dating sigla niya at paminsan-minsan na lamang pumapasok sa isipan niya ang mga anak niyang kambal.
Halos alas-singko na rin kasi iyon ng hapon nang maisapan niyang ipagluto ang mag-aama niya kaya mabilis siyang bumaba. Ipagluluto niya ang mga ito ng paborito nilang sinigang.
"Hello po, Mommy!" Ngiting bati sa kan'ya ni Aria.
"Hello, Anak? How's your school?"
"Okay naman po, ano pong gagawin niyo?"
"I'll cook sinigang for us, do you wanna watch me para matutuhan
