Ilang sandaling katahimikan ang naghari sa pagitan namin ni Adrian pagkatapos kong sagutin ang huling tanong niya. Nakayuko lang ako habang siya naman ay naiwang nakatitig sa akin. Kanina ko pa napapansin, malalim ang paraan ng pagtitig niya. Para niya akong kinakabisado, inaaral.
"Kumain ka na?" mayamaya'y biglang tanong niya.
Nag-angat naman ako ng tingin sa kaniya. "Oo. Tapos na."
"Alright." Tumayo siya kaya napasunod din ako sa pagtayo. "Feel at home, Analyn."
Sinundan ko siya ng tingin na pumasok sa kaniyang kwarto. Hindi man lang ba siya natatakot na baka nakawan ko siya? Talagang nagtitiwala siya sa akin kahit na hindi niya ako kilala?
Nagkibit-balikat na lamang ako at tumuloy na rin sa kabilang silid. Pagpasok pa lang ay bumungad na agad sa akin ang mga mamahaling gamit na
