"Hindi ko akalain na may talento ka pala sa ganito... napakaganda ng mga gawa mo. Sobra akong nagagandahan. Hindi dahil nalaman ko na ikaw ang nagpipinta ng mga ito. Dahil noong nakita ko iyong ginawa mo kay Brix, nagandahan talaga ako. Kaya nga sinabi ko kaagad sa kaniya na gusto ko rin ng ganoon. At iyon na nga, ipinagawa ko iyong picture nating dalawa...." nakangiting sabi ni Oliver habang pinagmamasdan ang mga gawa ni Serenity.
"Dati... noong bata pa ako ay hilig ko na talaga ang pagpipinta. Gusto ko nga sanang mapasama sa art school noon kaso walang pera si mama. Wala kaming budget no'n. At talagang sakto lang sa amin ang kinikita niya no'n kaya naisipan ko na lang mag-change ng course na kukunin ko. Tapos ito na nga, sa tulong ni Jasper, muli kong nagamit ang talento ko. At hindi pa
