Isang buwan ang lumipas simula nang pumanaw si Kurt, kahit papa'no ay naging okay na si Lala sa tulong ni Mina. Kaya naman bilang pasasalamat ay binigyan ng malaking halaga ni Lala si Mina. Noong una ay ayaw tanggapin ni Mina ang halagang iyon dahil masyadong malaki. Ngunit nagpumilit si Lala upang iyon na rin ang maging tulong niya sa pamilya ni Mina. Dahil kung wala si Mina sa kaniyang tabi, baka matagal pa siya bago magiging maayos ang kalagayan. Si Mina ang naging sandalan niya kung saan napaglalabasan niya ng sama ng loob.
At ngayong araw na ito, handa na siyang makipagkita kay Jasper. Handa na siyang makita ang lalaking matagal na panahon niyang pinangarap na makasama. Ang lalaking nag-iisa sa kaniyang puso.
Simple ngunit napakaelegante ng suot niyang fitted dress. Kitang-kita ang
