"Brix! Nasaan si Oliver? Bakit wala siya sa bahay niya? Wala rin siya sa kompanya niya. Saan siya nagpunta?" inis na sabi ni Clara nang puntahan niya si Brix sa bar nito.
"Aba ewan ko! Bakit ako ang tinatanong mo? Hindi naman ako 24/7 na nakabantay kay Oliver. At saka, bakit kailangan kong alamin ang kilos ng kaibigan kong iyon? Ano ako, ikaw? Na walang ibang ginawa kun'di bantayan ang kilos ni Oliver? Nababaliw ka na yata eh," mapang-asar na sabi ni Brix.
Pinandilatan naman siya ng mata ni Clara. "Hoy! Akala mo kung sino ka kung magsalita diyan. Eh ano bang pakialam mo? Ikaw ba itong nagbabantay?"
Malakas na tumawa si Brix. "Puro ka ganiyan. Puro ka ano bang pakialam ko. Wala naman talaga akong pakialam sa iyo. Wala nga akong kailangan sa iyo eh. Ikaw lang itong basta na lang sumusulpo
