"Talaga po? Yehey! Sa wakas nakita ko na rin ang daddy ko!"
Mabilis na tumakbo palapit kay Oliver ang anak niyang si Onyx. Mahigpit siya nitong niyakap. Rumagasa naman ang luha ni Serenity sa kaniyang mata habang nakatingin sa kaniyang mag-ama. Hindi pa rin makapaniwala si Oliver na nasa harapan niya ngayon ang kaniyang asawa. At mas lalo pa siyang hindi makapaniwala dahil nagbunga pala ang kanilang pagmamahalan. Para siyang nanghihina nang lumuhod siya upang yakapin ang kaniyang anak. Tumulo ang butil-butil na luha sa mata ni Oliver habang yakap ang kaniyang anak.
"What's your n-name?" garalgal ang boses ni Oliver nang kumalas siya ng yakap sa kaniyang anak.
"Onyx po. Onyx Martinez!" masiglang sabi nito.
Tinitigan ni Oliver ang batang nasa harapan niya. Hindi niya maipagkakailang anak
