Muli ay hinampas siya nito. “Puro ka naman kalokohan eh. Akala ko totoo na iyang sinasabi mo.”
“Seryoso naman ako ah.”
“Hay naku! Kapag natawag mo na iyang lola mo ay sige. Saka palang ako maniniwala sa iyo.” Malungkot itong nagpatuloy sa paghimay ng gulay pagkatapos ay muli itong nag-angat ng mukha sa kanya. “Pero wala ba talagang magagawa ang kaalaman mo sa pangungulam?”
Tumawa siya. “Hindi ako marunong mangulam, sira!”
“Hindi ka marunong mangulam? E bakit ang dami mong tanong sa akin?” pabirong singhal nito sa kanya.
Lalo siyang tumawa. “Siyempre joke lang iyo. May pagka-tsismosa din kasi ako minsan kaya gusto ko lang malaman kung sino ang gusto mong ipakulam kung sakali.”
Tinampal siya nito sa balikat.
“Aruy ko naman!” kunwa’y susubsob siya.
“Alam mo Miss Malaki Butete, nagugus
