"NAKIPAG-ISANG DIBDIB na rin si Prinsesa Airene, Mahal na Panginoon." Sabi ng alagad ni Erosho. "Isinilang na rin ni Prinsesa Nerrie ang kaniyang tagapagmana at nagdadalang-tao na rin ngayon si Prinsesa Dayne. At may kabiyak na si Prinsesa Airene. Anumang oras o araw na darating ay magdadalang-sirena na rin siya. Mahal na Panginoon, sa tingin ko ay hindi malabong magtagumpay tayo sa ating mga plano---"
Mabilis na sinakal ni Erosho ang kaniyang alagad. "Magtatagumpay tayo! Magtatagumpay tayo!" At hinagis niya ito.
Galit na umupo so Erosho sa kaniyang trono at tumingala. Hindi siya makalabas sa harang na ginawa ni Erashea. Kahit anong gawin niya ay hindi niya ito masira. Halos gamitin na niya ang lahat ng kaniyang kapangyarihan pero wala pa rin. Masyadong malakas ang ka
