SUMAPIT ang araw ng Lunes. Matunog ang usapan sa buong building namin ang pagkawala ni Jerald. Marami rin ang hindi makapaniwala sa sinapit niya at mas lalong naging maingay ang nangyare sa kung paanong nadiskubre ang kanyang katawan sa CR ng boys’ dormitory.
Tahimik na pumasok na lang kami sa classroom. Hanggang ngayon ay ramdam ko pa rin ang pagkailap nina Leah at Yna sa akin. Hindi pa rin nila ako kinakausap matapos ang usapan naming iyon kagabi. Bigla akong nakaramdam ng lungkot dahil doon. Naisip ko rin na siguro nga ay tama si Yna, na mahina talaga akong tao.
Nang makarating ako sa classroom ay nakita kong maayos na ang arrangements ng mga silya. Balik na ulit sa dati ang pagkaka-ayos ng mga ito dahil tapos na ang prelims. Hindi na naituloy pa ang exam sa subject ni Ma’am Santos da
