Nagtampo ang mga magulang ni Lara sa nangyari sa kaniya. Kinasal siya na hindi man lang nalaman ng kaniyang mga magulang. Ngunit nang napansin nilang mabigat ang pinagdaan ng kanilang anak ay kanila naman din itong tinanggap ng buong puso. Wala naman talagang makakaintindi ng higit sa kaniya kundi ang kaniyang pamilya lamang.
Lalong naging nanlumo si Lara mula nang umuwi siya sa kanila. Ang buong akala niya makakalimutan niya si Jason pero nagkamali siya. Sa bawat minuto ay walang ibang laman ang isip niya kundi ang tanging mahal niya. Nagkamali kaya siya ng naging desisyon? Sadyang ganoon nga ba ang magmahal? Mahal mo siya ngunit mahal niya 'yong isa?
Maghapon siyang nagkukulong sa kaniya kuwarto at doon ibinuhos ang kaniyang kapaitan. Mga luhang tila walang katapusang umaagos at tangin
