Hindi pa rin maawat sa ka-sweet-an ang mag-asawa. Kung sabagay, mahaba ang panahon na kailangan nilang punuin. Iyong mga panahong nasayang lang dahil sa kanilang pagtatago ng nararamdaman. Umuwi ng Benguet ang mag-asawa upang balikan ang lugar kung saan nagsimulang tumubo ang kanilang pag-iibigan. Pinuntahan nila ang flower farm na pinag-dausan ng kanilang kasal. Habang sinasamyo ni Lara ang mabangong kapaligiran, pumitas ng bungkos ng mga rosas si Jason.
"Hon," tawag ni Jason kay Lara sa likuran nito.
"Uhummm," napalingon naman si Lara at saka nilahad ni Jason sa asawa ang bungkos ng rosas. Halos maiyak naman si Lara sa ginawa ng asawa. Sa tanang buhay niya, pinangarap niyang mabigyan ng rosas mula sa taong mahal niya. Waring napakasimple ng bagay na ito pero napakahalaga na niyaon para
