البارت السابع

1279 Words

في بيت تهاني تدخل تهاني الي المطبخ وهي تفكر في شئ ما وتنظر إلي أمها التي تقوم بتحضير بعض الخضروات لتحضير الطعام تهاني : ماما هي نورا رجعت سهير : اه رجعت امبارح تهاني : يعني رجعها كده من غير حتي ما تتأسفلك سهير : أبوكي قال مفيش داعي نفتح في حاجه وبعدين أخوكي مجبهاش غير لما ابوكي اللي قاله تهاني بتهكم : لا طيب أوي وبيسمع الكلام سهير: ما يصحش برده هي وأولاد أخوكي ميحضروش الخطوبه يابنتي وبعدين نورا طيبه تهاني : بانفعال هي تكتم غيظها من مدح أمها بزوجة أخيها : طيبه أوي ......روحي شوفي الطيبه دي بتقول ايه علي ابنك سهير باندهاش : نورا دي بتموت في أحمد تهاني بتهكم : أوووووي سهير : انطقي يابت انتي قصدك ايه تهاني بنظرة خبيثه وقد بدأت تصل إلي ما خططت اليه : فاكرة اليوم اللي انتي سألتي عن العيال وقولتلك أحمد بعتهم لأمهم سهير : أه تهاني : اهو بقي سي أحمد اللي وداهم لها وقعد يعتزر كان هيبوس رجلها عشان تروح معاه وهي مرضيتشي ودخلت وقفلت الباب في وشه كمان وسابته زي الكلب قدام الأوضه سهير بغضب : قطع ل**نك أخوكي مش كلب تهاني : دا كلام الهانم مش كلامي وهي بتحكي لصاحبتها أزاي زلته وخلته يرجع قفاه مقمر عيش سهير وقد طاف الغضب بها وبوعيد : يا بنت الكلب يا نورا أنتي يطلع منك كل ده وكمان بتفضحي الولا وبتقولي لصحابك كمان .......بس خدي يابت يا تهاني أنتي عرفتي منين تهاني : من سها اتصلت عليا يومها وحكتلي المكالمه اللي بين أختها وبين مرات ابنك وازاي بتوصف انها ذلته سهير تض*ب كف عل كف بخيبة أمل : يا حظك يا بني تهاني : أساسا دي بت سهونه كده في نفسها ميه من تحت تبن وابنك ماشي وراها دلدول سهير : يعني أطلع أجيبها من شعرها البت دي تهاني : لا يا ماما ربيها بالذوق كده ومتعرفيهاش انك عرفتي حاجه عشان سها متزعلشي سهير وهي تنظر الي الأعلي حيث موضع شقه ابنها : ماشي يا نورا انا وانتي والزمن طويل اما وريتك لتنظر لها تهاني برضا وقد نجح مخططها وكادت أن تصدق كذبتها فهي علمت بذهاب الأولاد عندما كانت تتصنت علي باب أحمد لعلها تخرج بأي معلومه لتسمع أحمد ينادي علي أولاده ليجهزهم ليذهبوا لأمهم ****************** عند عزة بعد سماع الجميع لرفض سمير والد عصام خطبته لصفاء عم ال**ت المكان ون** عصام رأسه أرضا وجلس علي أقرب كرسي من هول المفاجأه فكان هذا أسوء من جميع توقعاته عزة بعد ان فاقت من صدمتها : ليه يا بابا صفاء عيبها ايه حرام عليك دول بيحبوا بع وهنا لم تكمل لتدرك لتوها ذلت ل**نها وقد نظر اليها عصام نظرة أخرستها سمير : بنصف ضحكه بتقولي ايه يا ست عزة عزة بتلجلج : لا لا ولا حاجه يا بابا عن اذنكم سمير بحزم : استني هنا راحه فين لتقف عزة مكانها لم تستطيع ان تتحرك سمير جلس واضعا ساق فوق الأخري وهو ينظر اليهم جميعا ويكمل بتهكم : ايه خلاص فكرتوا نفسكم كبرتم علي خلاص ومش هفهمكم انا عارف انك بتحب صفاء من سنتين وكنت مستني اليوم اللي تيجي تفاتحني فيه عصام وقد بلغت به الصدمة آخرها : ويوم ما جيت وفاتحتك ترفض يا بابا سمير ضحك وظل يضحك من قلبه وهم ينظرون له ولبعضهم باندهاش : دي كانت بس قرصه ودن عشان بعد كده متخبيش علي حاجه ......عالعموم انا مش موافق عشان انا اساسا مفاتح عمك في الموضوع وهو وافق وكنا مستنيين بس هي تخلص امتحانات وأهي خلصت وانت الحمد لله اتفكت عقدة ل**نك لحظات مختلطه من الدهشه والأمل والفرحه والسعاده تملأ المكان لينهض عصام مقبلا لأبيه من وجنتيه وجبهته وقبل يده : انت احسن اب في الدنيا لتذهب اليه عزة لترتمي في حضنه انت احن بابا في العالم أشجان وقد ملأت الدموع عينيها : ربنا يخلليكوا لبعض وما يحرمنا منك ابدا ولا من حنيتك يا أبو عصام سمير :ولا منك يا أم عصام ****************** عند تهاني يجتمعون أمام التلفاز صالح وسهير ومحمد وتهاني سهير : بقولك ايه يا صالح صالح : خير سهير : أروح أعزم عزة وأهلها يمكن الميه ترجع لمجاريها تنظر لها تهاني بصدمه فهي لا تريد رجوع نورا لمحمود وفكرت سريعا كي تفسد هذه الزيارة تهاني : ايه ده يا ماما بعد اللي حصل صالح : الناس بتبقي بينهم قضايا ومطلقين وبيرجعوا لبعض يا بنتي تهاني : حتي بعد اللي عرفتوه صالح : يمكن مظلومه محدش عارف وبعدين برضه لسه صغيره وطايشه روحي بكرة الصبح أعزميهم يا أشجان أغتاظت تهاني لتنهض تاركه لهم المكان في لا تريد هذه الزياره ******************* عند عزة تجلس هي وأخيها يتسامرون وقد ملأت الفرحه قلوبهم عزة : بقولك ايه أنا هقوم أكلم البت صفاء افرحها عصام : كلميها جنبي هنا أشوف هتعمل ايه وأكلمها بعدك عزة : هههههههه واضح ان احنا خلاص شيلنا برقع الحيا عصام : بس بقي كل ما أفتكر بابا وهو كان عارف من زمان ات**ف أوى عزة : هههههه منظرك كان?????? عصام : بس بقي كلميها يالا عزة : الفون بيشحن هدخل اجيبه وآجي لتتجه عزة الي غرفتها وتأخذ هاتفها لتفتحه ليعلن عن رسالة ماسنجر لتفتحها وياليتها ما فعلت لتجدها من محمود ( كنت فاكر أنك بتتعذبي زيي طلع كله وهم في وهم انا شايفك ماشيه مع أخوكي وبنت عمك والضحكه ماليه وشك للدرجادي بتنسي بسرعه ) أ**ق أنت اما يدري أنها ترسم الضحكه وتعيش الحياة أمامهم حتي لا تؤلم قلوبهم وقلبها ينزف وجرحها لا يريد ان يلتئم منه انشا من أي نوع من البشر انت تجرح ثم تأتي بسكين بارده لتزيد الجرح نظرت الي الرساله ودموعها لا تتوقف ووجدت نفسها لا اراديا تضعه علي الحظر ليدخل في هذه اللحظه أخيها عصام : كل ده ليتفاجأ بحالتها ودموعها عزة من بين شهقاتها : عملتله بايدي بلوك وكادت ان تسقط أرضا للجلوس علي ركبتيها ولكن يد عصام كانت أسرع فأوقفها وأخذها بأحضانه وأخذ يمسح علي ظهرها حتي بدأت أن تهدأ ليطمأنها بكلماته : طول ما أنا عايش أنا في ظهرك عمري ما هسمح انك تقعي عارف انه صعب انك تنسي بس انتي قوية وحتي لو أخترتي ترجعيله هفضل برده في ضهرك لتنظر له عزة نظرة امتنان فهي فعلا كانت بحاجه الي هذه الكلمات ولكن بعد ان هدأت العاصفه وجدت هاتفها يرن برقمه فنظرت الي أخيها تطلب المساعده عصام : عاوزة تردي هزت رأسها بمعي لا عصام : خلاص هاتي الفون فأخذه منها عصام : ألو محمود :.......... عصام : خير عاوزها ليه وازاي تتصل بأختي في الوقت ده وأزاي تبعت لها رسايل محمود: ............... عصام : وأنت مالك مين اللي عمل البلوك .....بص يابن الناس عشان نبقي علي نور كده خللي صلة الجيرة بينا تفضل بلاش تقطعها هي كمان محمود : ........... عصام : افهمها زى ما تفهمها ......سلام ليغلق الخط ويعطي الهاتف لعزة التي تكتم شهقاتها لتأخذه وتضع الرقم أيضا عالحظر وترتمي بحضن أخيها وهي لاتملك سوي دموعها لتخرج هذه الشحنه ******************* يأتي الصباح علي أبطال قصتنا فاليوم خطبة تهاني علي فتحي ذلك العريس التي تعتبره سهير لقطه لا مثيل له وتعتبره تهاني لعنه فرضت عليها في تريد فتي وسيم يملك الكثير من المال وفي نفس الوقت لا تريد ان تبعد عن بيت ابيها معادله صعبه ولكن تهاني تستطيع حلها وخلق قوانين جديده لها أيضا طرقات خفيفه علي الباب لتفتح سهير تجدها نورا لتلوي فمها يمينا ويسارا نورا بابتسامه هادئه : صباح الخير سهير بتهكم : ما لسه بدرى يا مرات ابني نورا قد علمت من الأسلوب وتعبيرات الوجه انها علي وشك الدخول في عاركة جديد ويجب عليها تخطيها نورا : الساعه لسه سبعه ......متقلقيش ان شاء الله هنخلص بدرى بس قوليلي ناويه تعملي ايه سهير بلهجة آمرة : أدخلي المطبخ شوفي احنا لسه هنلوك نورا : حاضر لتدخل المطبخ وهي تدعي ربها سرا ان يعدي هذا اليوم علي خير فهذه هي البدايه لتجد كل شئ في مكانه فهي لم تحضر أي شئ لتردد في سرها باهكم : قاعده تقولي لسه بدرى وهي ممدتشي اديها في حاجه صبرني يارب ************** في منزل عزة طرقات خفيفه علي الباب لتذهب أشجان لتفتح الباب لتجد ما يصدمها يا تري أشجان لقت ايه يا تري تهاني مجهزة ايه للعريس وفيه مفاجأة في البارت الجديد تفاعلاتكم وتعليقاتكم كتير عشان متأخرشي عليكم

Free reading for new users

Scan code to download app

App Store Google Play

Facebookexpand_more