Chapter 35
Gustuhin ko mang umiwas ay hindi ko magawa dahil kinawayan ako ni Rico na naroon din sa pagtitipon na iyon. Ang masaklap pa ay isa si Bernard sa mga taong kausap niya. Ayokong isipin niya na iniiwasan ko siya kaya kahit labag sa loob ko ay nilapitan ko sila.
"Hi, Ligs," bati ni Rico sabay halik sa pisngi ko.
"Hi." Pasimple kong tinabig ang kamay ni Rico dahil ipinulupot niya ang sariling kamay sa baywang ko. Nasa tabi-tabi lang Chuck at ayokong magkaroon siya ng dahilan para muli na naman kaming magkasamaan ng loob. "You're here."
"Yeah. Who's with you?"
"Ah, si Chuck." Inilibot ko ang aking mga mata para hanapin siya. Hindi ko inaasahang magkakasalubong ang paningin namin. Ilang dipa lang ang layo ko sa kaniya, kausap niya sina ninong at ninang. Hindi ko maunawaan ang mg
