“Kilala mo ba ‘yong kinakasal?” tanong kay Emma Rose ni Matthias. Ningunguso pa nito ang couple na nandoon sa altar.
Sunod-sunod ang iling ni Emma Rose. Tumayo ito mula sa pagkakaluhod at tumabi sa lalaki. “Hindi! Dumaan lang ako para magdasal. Pero ikaw! Anong ginagawa mo rito?”
Hindi kasi sinasagot ng lalaki ang kanyang tanong kaya inulit niyang muli iyon.
Nagkibit balikat si Matthias. “I just wanted to see you. Na-miss kita.”
Ayieee! Na-miss ka raw, ‘teh? Ang haba ng hair!
Kinagat ni Emma Rose ang labi para mapigilan ang sarili na ngumiti. Mahirap na at makita ni Matthias ang kanyang hitsura na kinikilig. Ayaw niyang bigyan ito ng ideya sa totoo niyang nararamdaman. Kaya naman kinalma muna ni Emma Rose ang sarili bago sumagot.
Tumikhim muna siya at saka binuka ang bibig. “Miss ka
