"البارت التانى "
2349 Words
اتمنى البارت يعجبكم
روايه ( عشق العا** ) البارت التانى
بقلم✍️ملك فريد لطفى.
عبدالله ازاي بس حتي مش مهتمين بأسمها هي حتي هتحرموها من أسمها مش كفايه اتحرمت من أبوها من قبل ماتشوفه.
محمد /متزعلش يابويا احنا كلنا مكناش مركزين من الي حصل كان يوم صعب علينا اوي.
عبدالله /لسناء طيب قومي اعمليلها اكل ولا هتسيبيها مرميه كده من غير لقمه وهي نفسه.
سناء/ حاضر ياخويا الاكل جاهز انا لقيت خالتها طبخالها فرخه ومجهزاها لها.
محمد بيشاور لامه من وراه والده متزعليش.
لقا الباب بيخبط قام يشوف مين.
لقا الدكتوره ومعاها الممرضه جايه تطمن علي حنان.
محمد اهلا وسهلا.
سيلين انا الدكتوره
سناء/ بصويت الحقني يامحمد الحق اختك ياحبيبتي يابنتي.
محمد وسيلين جريوا دخلوا بسرعه علي أوضه حنان.
سيلين انا قلتلكم ماينفعش تخرج من المستشفى حالتها النفسيه محتاجه رعايه.
وكتب علاج في روشته ومحاليل لمحمد بسرعه هاتلي العلاج ده بسرعه.
محمد وصل الصيدلية جاب المحاليل والأدوية وراحلهم علي البيت.
محمد اتفضلي يا دكتوره.
سيلين علقت المحاليل وبدأت حنان تفوق.
سيلين/ ايه ياأم سيلين خضتينا عليكي اجمدي كده وفوقي علشان بنوتك ده جيبالنا ملاك صغنن ربنا يباركلك فيها.
حنان/ بدموع هي فين انا مشوفتهاش انت سمتيها سيلين يادكتوره.
سناء/ اه ياحبيبتي قمر اهه زي الدكتوره سيلين.
حنان /بسم الله الرحمن الرحيم ماشاء الله دي صغيره اوي يا امي.
سيلين علشان انت ولداها اخر التامن بكره تكبر وتبقي حلوه زي مامتها بصي بقي انا كتبتلك مقويات ومحاليل كلها تخلص انت جسمك محتاج فيتامينات ومحاليل مش علشانك بس كمان علشان سيلين تخلصهم كلهم اتفقنا.
محمد متقلقيش يادكتوره اناهعلق لها المحاليل في مواعيدها.
سيلين/ أستأذن انا بقي علشان هروح المستشفى تاني..
سناء تعبناكي والله معانا يادكتوره.
محمد/ يلا يابويا نروح للجماعة علشان ما ينفعش منقفش معاهم
عبدالله/ طبعا ياحبيبي لازم نقف معاهم احنا أهل.
محمد/ أخد ابوه وراحوا العزا وقفوا معاهم وعملوا الواجب.
محمد لعزت عوزك ياعزت اروح انا وانت علشان نكتب البنت في الصحه وتاخد تطعيمتها.
عزت /حاضر يا خويا من عيني هجيلكم الصبح ونروح مع بعض من عيني.
محمد حبيبي تسلملي يا حبيبي انا هستأذن علشان الحاج تعب من الاقاعده.
عزت/ ماشي يا حبيبي اشوفك بكره.
عزت /راح دخلو لامه ازيك يا امي وباس ايدها امي انا هروح بكره مع محمد الصحة نكتب البنت بنت علي.
فهيمه/ هي جابت بنت وشها حلو علينا.
عزت /ياامي هي البنت زنبها أيه ياامي.
فهيمه/ بس يا عزت حط في دماغك ان البت دي لازم تتربي وسطينا هنا.
عزت قصدك ايه يا امي احنا مش عاوزين نعمل مشاكل.
فهيمه مشاكل ايه ان شاء الله بنتنا واحنا الي هنربيها.
عزت/ وامها ياامي نحرمها منها يعني.
فهيمه /لا تتجوزها ياعزت انت متجوزتش وحنان لسه عيله كده كده هتتجوز يعني مش هتقعد علي حتت البنت دي.
عزت/ ياامي الجواز مش بالغصب.
فهيمه /في ظروفها دي يبقي بالغصب مش بمزاجها.
عزت/ ازاي يا امي.
فهيمه/ هو كده والبنت دي تنكتب بكره بأسمك كمان علشان ماتعش طول عمرها يتيمه انت فاهم هبعتك لابن خالتك في الصحه وهو هيخلص كل حاجه أنت فاهم ياحبيبي.
عزت/ ازاي ياأمي هي ممكن تطعن في شهاده الميلاد وترفع علينا قضيه.
فهيمه/ اسكت انت هي دلوقتي مش فايقة لحاجه ومش مركزين هي هتتكتب بأسم مين انا هفهم اين خالتك علي كل حاجة وهو هيجبلي شهاده الميلاد لحد عندنا.
تاني يوم الصبح عزت راح لمحمد عند البيت
محمد تعالا ياعزت نفطر مع بعض ادخل.
عزت/ يلا علشان منتاخرش ونبقي نرجع نفطر هات البنت معانا علشان في تطعيم ليها لازم تاخده.
سناء دخلت تجيب البنت حنان فاقت.
حنان/ انت هتاخديها فين ياامي.
سناء /متخافيش اخوكي وعزت عمها هيروحوا يسجلوها في الصحه ويدوها التطعيم بتاعها.
حنان /طيب روحي معاهم ياأمي متسيبهاش ليهم لعزت ياخدها انا خايفه ياأمي ليخدوها مني.
سناء /خلاص انا هروح متخافيش.
خرجت سناء وراحت تلبس هدومها.
عبدالله/ في ايه يا سناء حنان مالها.
سناء/ مافيش ياخويا عاوزني اروح مع محمد ادي سيلين التطعيم في الصحه.
عبدالله/ خلاص روحي انا هقعد مع حنان لغايت ماتيجوا.
قعد عبدالله جنب حنان يقرا قرأن لغايت حنان مانامت من جمال صوته وهو بيقرأ.
عبدالله اول ماشافها نامت خرج وقفل الباب عليها وفضل يدعيلها.
عزت ومحمد وصلوا الصحه دخل عند ابن خالته حسانين.
عزت/ أزيك ياحسانين عاوزين نسجل بنت علي اخويا ونديها التطعيم بتاعها.
حسانين/ انتوا أقعدوا وانا هعملكم كل الأوراق اعملكوا شاي.
محمد /لا تشكر ياحبيبي.
عزت/ حبه شاي صغيرين.
وفعلا حسانين عملهم كل حاجه وهما قاعدين في المكتب وخد سناء معاه وراح طعم البنت.
سناء/ تسلم يا بني ربنا يباركلك ياحبيبي.
خدوا البنوته وروحوا البيت ودخل عزت عزا مرات أخوه وسلم عليها.
عزت ازيك يا عم عبدالله اخبارك ايه.
عبدالله /ازيك يا بني ياحبيبي عملتوا ايه.
عزت/ الحمد لله طعمنا البنت هو انت سمتيها ايه يا حنان انا مختش بالي كتبنا اسمها أيه.
حنان/ الدكتوره الي في المستشفى هي الي سمتها سيلين وكتبتها في اخطار المستشفى.
عزت /كان متوتر من الي عملوه هو وامه قالها والله طيب كويس.
انا هستأذن بقي احسن حد يجلنا علشان العزا انتوا عارفين أمي هناك لوحديها.
عبدالله /يابني اقعد نفطر مع بعض.
عزت/ ان شاء الله هاجي تاني علشان أطمن علي حنان وبنتها.
روح عزت لامه وحكلها علي كل حاجة.
فهيمه /ايوه كده كده لو رفضت تتجوزك من حقك تاخد بنتك في حضنك.
عزت يامه انا خايف نعمل مشاكل كبيره بسبب الموضوع ده.
فهيمه/ مشاكل ايه الي هيفتح بقه ده انت ابو البت وهنحط صوبعنا العشره في عنيهم اخوك مكنش بيخلف.
طبعا عزت انسان سلبي معندوش شخصيه ماشي ورا كلام امه من غير تفكير ولا عنده ضمير.
عزت سكت ومكنش قادر يرد على أمه لانه عديم الشخصيه قدامها.
محمد جت خالته و بنت خالته علشان يعزوهم وحنان كانت رافضه تقابل حد من الي جايين يعزوا كانت حاسه ب**ره القلب ومش عاوزه تشوف شفقه من اي حد من قريب ولا غريب كانت دايما في حضن ابوها وقاعدجنبها يقرالها قرأن بتسمع للقران بصوت ابوها كأنه بيطبط عليها وعلي الجرح الي في قلبها وعدت عليها اول تلت ايام بعد العزا كانهم ميت سنه.
فهيمه/ لعزت بقولك ياعزت مش واجب اروح اشوف بنتك واطمن عليها.
عزت/ يامه انت م**مه على الموضوع ده.
فهيمه/ اسكت يا واد اض*ب علي الحديد وهو سخن.
وكانت فهيمه م**مه علي رأيها انها تجوز حنان لعزت.
راحت لبيت عبدالله ابوحنان.
فهيمه ازيك يأم محمد.
سناء /اهلا وسهلا يام علي أتفضلي.
فهيمه/ انا قلت قدام مجتوليش حفدتي أشوفها اجي علشان اشوفها.
سناء /اتفضلي ياحاجه جوه حنان نايمه هي وبنتها جوه والله ياحاجه حنان هيجرالها حاجه بعد موت علي.
فهيمه/ كلنا هنموت ياحاجه ده ابني ضنايه الي مات مين بقي قلبه مفتور اكتر.
ازيك يا حنان يابنتي عامله ايه قولت اجيلك أدام انت مش هاين عليكي تيجي تشوفيني.
سناء /تيجي فين يام علي انت ناسيه ان حنان والده ولا ايه.
فهيمه /ماانا عارفة يعني هي والده ايه ماهو والده طبيعي ده احنا كنا بنولد من هنا واقوم اخدم حماتي.
حنان طبعا مش مستغربه كلمها لانها عرفاها ست قلبها قاسي ومبتحبش حد حتي ساعات حنان كانت بتحس انها مابتحبش عيلها اصلا كانت بتبصلها ودموعها نزله علي خدها من الي هي سمعاه.
سناء/ ياام علي كفاية قهرها علي جوزها الي ملحقتش تفرح بيه بقولك ايه انت جايه تشوفي بنتك هاتي ياحنان البت اديها لستها.
حنان/ ادت البت لامها تديها لفهيمه ماردتيتش تشيلها وبصتلها وهي علي ايد جدتها سناء.
فهيمه /اه حلوه طالعه لامها.
انا قايمه امشي انا قلت اجي اشوفك واطمن علي البت الا هو انت سمتيها ايه؟
حنان بصوت واطي أسمها سيلين.
فهيمه/ ايه ايه ياختي الاسم ده كنت سميها اسم نفهمه انتوا فايقه تخترعي أسماء.
سناء /حنان مااخترعتش اسماء ولا كانت فايقه لحاجه دي الدكتوره الي مولاداها هي الي سمتها.
فهيمه/
طيب انا ماشيه.
مشيت فهيمه وسناء وصلتها للباب.
سناء/ ياساااااتر يارب ازاي الست دي تبقي ام علي الراجل المحترم ده الله يرحمك يا حبيبي.
فات أربعين يوم علي موت علي وفهيمه مارحيتش تشوف حنان ولا سيلين ولا مره.
عزت ياماه انهارده الاربعين بتاع علي ماتيجي بعد مانزوره في المقابر نروح نطمن علي حنان وبنتها ايه رأيك.
فهيمه/ اول مره تقول كلام عدل ياعزت انا مش هتطلع شغلك انهارده.
عزت/ يامه واحد صاحبي خد المركب وطلع بدالي وهنقسم الرزق الي هيجي بالنص.
فهيمه /ماشي يا ناصح تموت في النوم والراحه.
طيب يلا نروحلهم امري لله البت حنان دي مش بتنزلي من زور.
الله يسمحك ياعلي ماكنتش بتسمع كلامي قلتلك بلاش بنت عبدالله دي وشها يقطع الخميره من البيت.
عزت/ حرام عليكي يا مه هي عملتلك حاجه.
فهيمه ماشي يا حنين.
راحت فهيمه لبيت حنان.
السلام عليكم ازيك يا حاج عبدالله.
عبدالله اهلا وسهلا ياام علي اتفضلي اتفضل ياعزت يابني.
سناء خرجت علي صوت عبدالله تشوف بيكلم مين لقت فهيمه وعزت ابنها.
سناء/ في سرها ياساتر يارب ايه الي جبها دي.
فهيمه/ ازيك يا ام محمد عامله ايه يا حبيبتي.
امال حنان فين.
سناء/ هصحيها لحسن نايمه البت مابتنيمهاش طول الليل.
فهيمه/ بخبث كده اهه.
دخلت سناء تصحيها قومي يا بنتي معلش حماتك فهيمه بره.
حنان/ ايه الي جبها هي لسه فاكره ان لها حفيده دي ست قاسيه منعندهاش قلب.
سناء /معليش يابنتي قومي سلمي عليها ومتتكلميش معاها في حاجه.
حنان/ حاضر يامه هغير للبنت واخرج لها.
سناء /ربنا يهد*كي يابنتي.
خرجت حنان بالبنت سلمت عليها وعلي عزت ازيك ياخالتي صحتك عامله ايه.
فهيمه/ يعني انت بتسالي عليه.
حنان/ معلش ياخالتي اصلي مابخرجش من البيت خالص والبنت ضعيفة بخاف عليها لحسن تاخد برد.
فهيمه بصي بقي ياحنان انا جايه أكلمك فموضوع قدام ابوكي وامك.
عبدالله/ خير يا حاجه اتفضلي اتكلمي.
فهيمه بص ياحاج مايرديش ربنا اني اتحرم من حفيدتي وانا عايشه كفايه اني اتحرمت من ابني وهو لسه في عز شبابه.
محمد / قصدك ايه يا حاجه.
فهيمه/ قصدي ان حنان هكتب عليها لعزت واهه البنت تتربي في حضن عمها.
حنان/ قامت وقفت هو انت فكراني جاريه بتتصرفي فيه زي ماانت عاوزه ولا ايه.
عزت أصبري بس ياحنان امي مش قصدها كده.
حنان/ انا هقعد اربي بنتي مش عاوزه اتجوز تاني ارحموني.
محمد/ اهدي ياحنان محدش هيغصبك على حاجه.
فهيمه بصي بقي زي ماتفهمي لو ماوفقتيش عزت هياخد بنته يربيها.
عبدالله/ بنته انت بتقولي ايه.
فهيمه بصوا بقي البت مكتوبه باسم عزت يعني قدام الحكومه البنت بنت عزت ولوعاوزين ندخل في عند وترفعوا قواضي براحتكم فكروا وردوا عليا اول مايعدي سنه علي موت علي هنكتب كتاب حنان علي عزت وده كلامي الاخير والي تقدروا تعملوه أعملوه انتوا حرين مش هينبكم غير الفضيحه لبنتكم انا علي ابني مكانش بيخلف البنت دي بنت عزت ابني وهجبلكم شهود علي كده يلا ياعزت مع سلامه ياحبيبتي.
حنان فضلت تلطم وتصوت كان علي لسه ما يت وتصوت وتقول سيبتني ليهم ليه حرام عليك يارتني كنت موت معاك.
وقعدت تصوت بهستريا لغايت ماوقعت واغمي عليها.
محمد وسناء شالوها ودخلوها اوضتها.
يحاولوا يفوقوا فيها.
عبدالله/ قعد يستغفر ربنا ويتحسبن عليهم حسبي الله ونعم الوكيل حسبي الله ونعم الوكيل الناس دي عاوزه مننا ايه مش كفاية الي حصل لبنتي.
محمد/ يابه علي جثتي اختي تتجوز الراجل ده انا هقتله والله.
عبدالله/ يابني اهدا هي بتتكلم كده علشان خايفه على بنت ابنها
محمد/ يابه دي بتشكك في شرف اختي انا مش هسكت لهم تاني.
سناء/ بتعيط وبتحاول تفوق في حنان قومس يا بنتي متحرقيش قلبي عليكي.
عزت وصل أمه ورجع لبيت عم عبدالله.
عزت/ ياعم عبدالله متزعلش من امي هي بس خايفه لحنان تتجوز ودخل راجل غريب علي بنت أخويا وانا اولي من الغريب وحنان هتبقي في عيني وسيلين هتبقي بنتي ومحدش هيحبها قدي انا عمها.
محمد علي جثتي ياعزت تتجوز اختي.
عزت انا عارف انك بتقول كده من زعلك من كلام أمي بس فكروا في الموضوع ومتتسارعوش في الرد احنا لسه قدمنا سنه تكون حنان فاقت من حزنها وشدت حيلها ولا أيه يا عم عبدالله.
عبدالله والله يا بني كلامك كله صح وعداك العيب بس سيبها تفكر براحتها متضغطوش عليها كفايه الي هيه فيه.
عزت/ ماشي يا عمي السلام عليكم.
محمد/ ايه يابه الي قولتهوله ده.
عبدالله /يا بني الست دي بنت سو ومش هتسيب اختك في حالها بدل ماتلسن عليها وتفضحنا في البلد احنا في فلاحين واختك هتعوز ايه غير انها تربي بنتها في حضنها ومع عمها اولا من الغريب.
محمد/ سكت ومبقاش عارف يرد على أبوه بس دمه محروق من فهيمه دي.
وفاتت سنه وبدأت حنان تفوق من حزنها وتهتم ببنتها وكان عزت كويس معاها اوي وبيسأل عليهم دايما.
وبعد سنويت علي.
عزت/ لحنان ايه رأيك ياحنان في موضوع جوازي منك وسيلين تتربي بينا بدل ماتتربي يتيمه وانا عايش.
حنان مش عارفة ترد عليه وخايفة ليخدوا البنت منها ومش عارفه تنسي حبها لعلي ولانها عارفة ان عزت عديم الشخصيه قدام أمه.
عزت/ طيب انا هعيد الطلب لعم عبدالله وانت قوليلهم رأيك.
وطلب عزت ايدها من عمه عبدالله وعبدالله وافق من غير ماياخد رأيها من خوفه عليها هي وسيلين كان فاكر ان عزت هيبقي لحنان وبنتها ضهر وسند من أمه وقال لحنان.
عبدالله يابنتي الوليه دي لو عاشت السنه دي مش هتعيش السنه الجايه بس تتلمي انت وبيتك في ضل راجل وعزت اولي ببنت أخوه.
سناء/ وعزت مش وحش يا بنتي طيب وابن حلال.
محمد/مادخلش لانه مش موافق لانه حاسس انهم لوين دراعه بالبنت.
حنان/ اشطرتت شرط واحد انها ماتعيش مع فهيمه في بيت واحد وان بيتها هي وعلي يتكتب بأسم سيلين وامها واصيه عليها وتتجوز في البيت هي وعزت.
عزت وانا موافق ياعم عبدالله وحتي البيت جنب النيل يعني جنب اكل عيشي.
واتجوزت حنان من عزت وهي من جواها هتموت من القهر ومش قادره تتكلم ولا تفتح بقها باسسسسس عاوزه بقي اعرف رأيكم في البارت وياريت تقولولي ايه رأيكم في كل شخصية في الروايه ومستنيه تعليقاتكم واقتراحتكم كمان شكرا ليكم
....... استووووووووب
كفايه عاليكم كده عايزه تعليقات كتير بليييز
وشكرا لكل واحد بيشجعنى بحبكم كتر وبتمنى يكون البارت التانى عجبكو
اتمنى تكون البارت يكون عجبكم وعايزه تعليقات وتفاعل واهم حاجه رايكم علشان انزل البارت الثالث بحبكم كتير❤️❤️??اتمنالكم السعاده والتوفيق
يتبع بقلم ✍️ملك فريد لطفى .
.
- Writer
