( عشق العا** )

اتمنى الروايه تعجبكم روايه ( عشق العا**) البارت الاول بقلم ✍️ملك فريد لطفى . حنان / علي انت رايح فين خاليك معايا انا تعبانه. علي / حبيبيتي والله هرجع بسرعه مش هتأخر عليكي مسافه الطريق هسلم الشغل ده علشان اجمعلك فلوس الولاده. حنان / ياحبيبي ربنا معاك بس متتاخرش الجو صعب انهارده والدنيا شكلها هتشتي وانا حاسه بتعب خايفه اولد النهارده. علي /ياحنان انت لسه في اخر الشهر التامن انت مستعجله على الولاده ليه بس ربنا يكملك للتاسع علي خير وان شاء الله مش هتأخر عليكي هسلم الشغل وارجعلك علي طول يانونتي اعمليلي بس عشا حلو زيك كده. حنان / ربنا يرجعك بالسلامه مع السلامة يا قلبي. انا مش عارفه اشمعنا انهارده خايفة عليه كده ربنا يستر طريقك لا إله إلا الله . علي/ محمد رسول الله خشي بقي علشان ماتخديش برد. حنان مكنش هاين عليها تخش من الشباك بس الجو كان برد عليها اوي فقفلت الشباك ودخلت. علي/ ايه ده انت هتبدأي تمطري ولا ايه اصبري لما ارجع حنان كان قلبها حاسس وفعلا علي نزل سلم الشغل والتاجر خد منه الشغل كله لما شاف حاله المبهدل وعرف ظروفه وان مراته علي وش ولاده اخد منه الشغل كله. علي / راجع من كتر الفرحه مش حاسس بالمطره وكان المطر نازل يادوبك شايف الطريق بالعافيه فجأه سمع صوت تلا** عربيه نقل تييييت تتيييت تتتيييت علي/ بيشوح بأيده اهدا ياعم انت يعني شايف الطريق مساعد. سواق اانقل / تيتتيت تيت تيت ياعم روح في داهيه وراح دايس بنزين وجري بسرعه عاليه. علي / اتفاجأ من سرعته المجنونه وبيحاول يفدي نفسه الموتسكل طار بيه وطار معاه كل احلامه وقع علي وسط الزراعه وهو بيقع وقع علي حجره كبيره دماغه اتخبطت ودماغه بتنزف جامد وعلي بدأ يغيب عن الوعي. حنان/ علي اتأخر اوي والدنيا قلبت جامد انا مش عارفه اكلم مين ولا أتصل علي مين دلوقتي ربنا يرجعك بالسلامه ياريتك ماخرجت ياعلي وحنان قاعده بتفكر عينها غفلت وراحت في النوم. حلمت بكبوس حلمت ان علي عمال يضحكلها ويقولها انا خلاص جمعتلك فلوس الولاده خالي بالك من المولود وقوليله ابوك بيحبك وكان نفسه يشوفك وبصلها وهو بيبكي وسابها ومشي وقعدت تنادي عليه مابيردش عليها ياعلي ياعلي ياعلي. حنان قامت من النوم عماله تنادي عليه وبتعيط وجسمها كله بيتنفض من الخوف عليه وفضلت تقول استغفر الله العظيم،استغفر الله العظيم خير اللهم اجعله خير يارب رجعهولي بالسلامة الفجر قرب يأذن وانت لسه مارجعتش انا مش عارفه اعمل ايه في الليله الصعبه دي. حنان فضلت لغايت ما الفجر أذن والناس بدات تخرج من الجامع لقت واحد صاحب ابوها الحاج حسن ندهت عليه عم حسن ياعم حسن. الحاج حسن/ ايه يا حنان يابنتي ايه الي موقفك كده الجو برد عليكي. حنان /والنبي ياعم حسن علي خرج من امبارح بعد العشا ولسه مارجعش وانا مش عارفه اخرج في الجو ده ولا ابعت لحد يشوفه ولا عارفه اطمن عليه. الحاج حسن /حاضر يابنتي انا هروح بيت ابوه وأبلغ أبوه وأخواته علشان يتصرفوا ويبعتوا حد ليكي يطمنك. حنان / ربنا يخليك يا عم الحاج. وفعلا راح الحاج حسن لبيت اخوات علي ولسه هيقولهم على غياب علي لقي اخواته طالعين يجروا ياحبيبي ياخويا وامه بتصوت راح شبابك ياعلي يابني كان مستخبيلك كل ده فين. المرسال / ياجماعه اهدوا الراجل في المستشفى روحوا اطمنوا للاول عليه وبعدين ابقوا صوتوا براحتكم. الحاج حسن / للمرسال هو في ايه يابني ايه الي حصل. المرسال /علي ابنهم عمل حادثه علي الطريق امبارح. الحاح حسن/ هو مات. المرسال / حرام عليك يا شيخ لا بس هو حالته وحشه وقوله يجوا يلقوا يشوفوه لحسن دول ناس صعبه اوي. الحاج حسن/ ياجماعه مش وقت صويت روحوا للراجل الي مرمي في المستشفى الاول وبعدين عيطوا وصوتوا براحتكم. وانا هروح لحماه اعرفه ونجيب مراته ونجيلكم علي المستشفى. الحاج حسن / راح لبيت اهل حنان قابل اخوها محمد ازيك يا حاج حسن انت نازل في المطر ده ازاي. الحاج حسن/ هو ابوك فين يا محمد. محمد /خير ياعم حسن في حاجه ولاايه قولي انت عارف ابويا تعبان وصحته مش مستحمله اي حاجه. الحاج حسن / بصراحة جوز اختك حنان عمل حادثه امبارح على الطريق وحالته وحشه اوي وانا خايف ابلغ اختك قلت اجي اعرفكم وانتوا تتصرفوا لحسن هي خايفه وقلقانه عليه. محمد / متشكرين ياعم حسن كتر خيرك انا هروح لها علي طول. محمد / دخل بلغ امه وقالها اوعي حد يعرف ابويا علشان هيروح فيها انت عارفه علي غالي عليه ازاي. سناء ام حنان /حاضر يابني ياعيني علي حظك يابنتي ده انت مالحقتيش تفرحي بجوزك ولا ابنك االي هيجي يتيم محمد / ياماه انت بتفولي على الراجل ليه الراجل لسه حيا يرزق ارحميني ياماه. محمد نزل جاب مصطفى صاحبه علشان عنده عربيه وراحوا لحنان. حنان كانت واقفه في الشباك ولابسه مستنيه اي حد يجي يطمنها عليه. اول ماشافت محمد اخوها قلبها اتقبض اكت. وانهارت من العياط. ايه يامحمد علي خلاص مات قولي الحقيقة انا مستودعاه عند ربنا يارب متزعلنيش فيه يارب محمد نزل وخادها في حضنه والله ماتعيطيش هو علي بخير وهنروح نطمن عليه انا جاي اخدك نروح نشوفه. حنان /طيب هو ماله طيب وهو ماجاش ليه طيب قوله ابنه عاوز يشوفه بص يامحمد اصل انا قلتله ماتخرجش علشان انا قلبي مقبوض. محمد/ هتعيطي مش هاخدك معايا. حنان /حطت ايديها على بوقها خلاص هسكت اهه يلا بقي وهي هتموت من الخوف عليه ودموعها مابتقفش. محمد خدها ونزل ركبوا العربيه مصطفى / والله ياحنان ماتعيطيش علشان الي في بطنك هو بخير ان شاء الله. حنان /مابتردش ومابتقولش غير يارب يارب يارب. اللهم انت عالم بحالي وغني عن سألي ياكريم يارب. ووصلوا المستشفى وكان محمد حاطط ايده علي قلبه خايف وهو عمال يصبر حنان علشان تتماسك وهو من جواه نفسه يعيط زيها. ومحمد وحنان لسه داخلين وبيسألوا الممرضه في الاستقبال عن واحد عامل حادثه امبارح. الممرضه متقولش ان قصدك علي. محمد ايوه علي هو حالته ايه. الممرضه/ والله مش عارفه هو مافيش غير على الي المستشفى مقلوبه عليه من الصبح محمد استفزته الممرضه البارده دي محمد / تصدقي انك معندكيش دم ولا زوق ماتردي وتقوللنا الراجل فين. الممرضه اتخضت/ فوق في الدور التاني في الطوارئ. محمد سابها وخد اخته وطلع لقي اهله ٠واقفين مع الدكتور واخوات علي وامه كلهم واقفين حواليه. عزت اخوه الي اصغر من علي على طول خير يا دكتور اخويا عامل ايه. الدكتور/ انت مين انا عاوز حد من اهله تعالالي على المكتب. محمد /قاعد حنان مع حماتها ودخل هو وعزت للدكتور. محمد /خير يا دكتور طمنا. الدكتور /والله انا عارف انكم مؤمنين بالله وبالقضاء والقدر خيره وشره. عزت/ والله الحمد لله احنا مؤمنين يادكتور خير احنا كده قلقانين اكتر قول يادكتور في ايه. الدكتور/ بصوا اخوكوا اصلا جاي المستشفى يعتبر ميت وعملناله محوالات افاقه للقلب بس مش بيستجيب والمستشفي هنا عاوزنا طبعا نحطه في العنايه علشان تسحب منكم فلوس علي مايقدروا بس انا شايف حالتكم وضميري مايسمحش اني استغلكم. عزت /قصدك ايه يا دكتور اخويا يعني فيه ايه عايش ولا مايت.. محمد /خلاص ياعزت شد حالك ياحبيبي. عزت /لا يامحمد ماتقولش كده وشده من قميصه اوعي تقول كده علي اخويا. للدكتور بس بقي احنا غلابه بس نقدر نصرف عليه ماتخافش احنا مستورين الحمد لله. الدكتور /حاول تهدأ علشان مراته واخواتك علشان كده انا جبتكوا المكتب. محمد /اهدا بقي ياعزت قول انا لله وانا اليه راجعون. عزت /اطلع اقولهم ايه اقولهم علي مش هيشوف ابنه اقول لمراته ايه الي لسه عروسه مافرحش بيها ولا هي فرحت بيه. اقولهم خلاص وقعد يعيط وكان منهار ومصدوم. محمد /طيب يادكتور ممكن ندخلهم يبصوا عليه وهو علي الاجهزه علشان نخف عليهم صدمت الخبر. عزت/ اه يادكتور صح هما يشوفوه الاول الدكتور /حاضر ونده للممرضه بصي دخلي الحاجه والمدام الي برا يبصوا علي الحاله اللي في العنايه المركزه. الممرضه/ يادكتور. الدكتور/ اوعي تقوليلهم حاجه قوللهم انه فاقد الوعي. الممرضه/ اتفضلي ياحاجه لولدته وفين مراته حنان قامت تعالي يا حبيبتي تطمنوا على الحاله ومتعملوش اي صوت جوه مفهوم هو فاقد الوعي. يعني مش حاسس بحاجه. حنان /قلبها مقبوض وعارفه ان علي مات بس بتحاول تكذب نفسها وتصدقهم. دخلت حنان وأمه اوضه العنايه المركزه. حنان/ اول ماشافت علي عرفت انه مات بس خافت تعمل اي رد فعل يبهدلوه ومايردوش يخرجوه. وقالت في نفسها انا لله وانا اليه راجعون حماتها سمعتها فهيمه/ ايه يا بت بتفولي علي ابني ليه. حنان/ لا ياماما واللذين اذا اصابتهم مصيبه قالوا انا لله وانا اليه راجعون. فهيمه/ يعني ايه. الممرضه بس بس ممنوع الكلام هنا وراحت مطبطبه علي ضهر حنان. حنان/ اتأكدت اكتر من احسساها. خرجت من الأوضة وقاعدت تعيط فهيمه/ لعزت الحق ياعزت حنان بتفول علي اخوك فكراه ميت عماله تقول انا لله وانا اليه راجعون. عزت/ بص لحنان وانهار من العياط ياماه علي مات ياماه مش قادر اخبي اكتر من كده فيهمه / فضلت تعيط وتصوت وحنان سندت ضهرها علي الحيطه ومحمد ملحقهاش نزلت علي الارض أغمي عليها ونزل عليها دم الولاده. محمد / يادكتور يادكتور الحق اختي يا دكتور. الممرضه جريت علي حنان وجابوا نقاله وشالوها دخلوها علي اوضه كشف النسا. دكتوره النسا دكتوره سيلين. الممرضه الحقينا يا دكتوره سيلين في حالة جوزها لسه ميت في حادثه ووقعت وشكلها بتولد سيلين حاضر انا جايه بسرعه. دخلت كشفت عليها ايه ده دي عيله صغيره وفعلا حالت ولاده. الممرضه / بادكتوره هنا في الارياف بيجوزوا البنات بدري بدري. الدكتوره سيلين / دخلوها اوضه الولاده والدكتوره صعبت عليها تولدها قيصري. ادتها حقن للطلق وفاقت علي وجع الطلق محمد واقف علي اوضه العمليات وعزت واخوات علي في اوضه الغسل بيكفنوا اخوهم ويجهزوه لمثواه الاخير وطبعا كل البلد كانت عرفت بالوضع ومتجمعين قدام المستشفى علشان يوصلوا علي لتربته. محمد سمع صوت عياط الطفل. محمد /احمد واشكر فضلك يارب العالمين لقي الدكتوره خارجه حمدالله على السلامه انت تقربلها ايه. محمد / انا اخوها يادكتور. الدكتوره /انا مش هوصيكم عليها وعلي حالتها النفسيه. محمد ممكن اخودها ونروح يادكتور. الدكتوره /انا عارفه الظروف الي انتوا فيها بس انا مش عارفه اقولك ايه انا شايفه انها تفضل معانا هنا احسن لان الجو في البيت هيبقي صعب. محمد / يادكتوره احنا فلاحين الي هيجولها البيت هيجولها هنا في المستشفى. وهما بيتكلموا لقي امه داخله عليه. سناء/ ياحبيبتي يا بتي حظك قليل فرحتك علي طول م**وره مابتلحقيش تتهني ياحبيبتي. الدكتوره/ ماينفعش كده كده انا همنع عنها الزياره. سناء /ابوس ايدك يا بنتى سيبيني اطمن عليها. محمد / شوفتي ياماه هتخليهم يمنعوا عنها الزياره الدكتوره/ هما هينقلوها علي الأوضة وبعدين خشوا اطمنوا عليها. حنان /محمد يامحمد هو علي مشي خلاص. محمد /بعياط لسه يا حبيبتي بيخلصوا الاوراق الدفنه. حنان /متسيبهوش يامحمد روح وصله وعرفه انه جاله بنت. محمد باسها من راسه حاضر يا حبيبتي امك جتلك اهه هروح اوصله وهرجعلك تاني. حنان/ ينفع اودعه يامحمد اشوفه لاخر مره. الدكتوره سيلين /لا طبعا انت ممنوع تتحركي قوليلي بقي هتسمي البنت ايه. ‏ ‏حنان /هو ماكنش يعرف انها بنت وانها كانت محتاجاه لو يعرف ماكنش مشي وسابها. ‏ ‏الدكتوره/ طيب ايه رأيك انا هسميها بدالك. ‏ ‏ايه رأيك هسميها علي أسمي. ‏ ‏ حنان من غير ماتسأل ماشي المستشفى. ‏ ‏محمد خلصوا الجنازه أستاذن من عزت. ‏ ‏محمد انا هروح اجيب حنان وبنتها من المستشفى. ‏ ‏عزت/أستنا انا هاجي معاك المستشفى. ‏ ‏محمد/ خاليك علشان الناس الي هتجيلكم تعزي وانا هروحها عند بيت ابويا هي وبنتها واجيلك اقف معاكم. ‏ ‏عزت / ماشي يا محمد روح انت. ‏ ‏عزت/ نصبوا العزا وبدأ أهل البلد يبدؤا يجوا لهم يعزوا. ‏ ‏ومحمد روح حنان وهي سكته ومستسلمه وامها معاها. ‏ ‏روحت حنان دخلت اوضتها وقعدت قالت لامها امي انا مش عاوزه حد يدخل عليا ولا اشوف اي حد. ‏ ‏سناء/ يابنتي الناس عاوزين يجوا يعزوكي وياخدوا بخاطرك. ‏ ‏حنان /فضلت تصرخ انا مش عاوزه حد يشوفني ارحموني بقي انا ضيعت حرام عليكم حرام بقي. ‏ ‏محمد/ خلاص ياامي سيبيها الله يكون في عونها وكفايه الي هي فيه. ‏ ‏عبدالله والد حنان دخل عليها واخدها في حضنه وقعد قرالها قرأن لغايت مانامت ومامتها اخدت البنت من جنبها وخدوها وخرجت. ‏ ‏عبدالله/ هي فين البنت حد أذن لها يامحمد لما اتولدت. ‏ ‏محمد/ لا والله يابويا انا نسيت خالص. ‏ ‏عبدالله أخد البنت في حضنه وأذن لها في ودنها الله أكبر الله أكبر اشهد ان لا اله الا الله وأشهد أن محمد رسول الله حي على الصلاة حي على الفلاح الله أكبر الله أكبر لااله الا الله. ‏ ‏هو انتوا سمتوها أيه يامحمد. محمد /والله ماعرف يابويا. ‏ ‏ الدكتوره كتبتها بأسمها. ‏ ‏عبدالله وهو الدكتوره أسمها أيه الدكتوره دي تصدق ياعبدالله احنا مسألنهاش أسمها ايه........... استووووووووب ‏ ‏اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الثانى وشكرا لكل واحد شجعنى دومتم سالمين .?? ‏ ‏ ‏ ‏ ‏ ‏ ‏ ‏ ‏يتبع بقلم #ملك_فريد ‏ ‏