" البارت الرابع "
2831 Words
اتمنى البارت يعجبكم
روايه ( عشق العا** ) البارت الرابع
بقلم✍️ملك فريد لطفى
شهد /يابنتي أستني انتى راحه فين.
سيلين /انا همشي ماما هتقلق عليه وأشوفك بكره ياقمر.
شهد/ ماشي يا سيلين انا زعلانه منك بتشوقيني وتمشي اما اشوفك بكره.
سيلين/ نزلت مشيت واول ماركبت الباص وبتقعد شافت عا** طلع وراها الباص واول ماشفته أبتسمت له.
عا** /راح وقف جنبها و قالها ازيك عامله ايه دلوقتي.
سيلين/ ب**وف الحمد لله.
عا**/ انتي أتاخرتي ليه انهارده
سيلين /اتأخرت كنت بخلص ورق المفروض كنت أعمله إمبارح واجلته لانهارده وبعد الي حصل الصبح روحت الشغل متأخره وبس هو ده الي أخرني.
عا**/ بأبتسامه وهو بيراقبها وهي بتتكلم فرحان بيها وهي بتحكيله كأنه في حلم مش مصدق نفسه انها بتتكلم معاه.
سيلين/ انت سرحت في ايه و لا انا الي رغايه بتكلم كتير.
عا** /انت تعملي الي عوزاه وترغي زي ماانت عاوزه انا اصلا مش مصدق اني سمعت صوتك و كمان بتتكلمي معايا.
سيلين/ بدلع لو مابطلتش الكلام ده انا مش هتكلم خالص.
عا** / لا خلاص هسكت مش هقول حاجه تضايقك تاني.
سيلين/ لا مش مضايقه والله خلاص انا وصلت مع السلامة تصبح على خير.
عا**/ انا هوصلك للبيت.
سيلين/ لا علشان خاطري ماينفعش تمشي معايا كفايه كده علشان محدش يشفني ماشيه معاك يقول حاجه.
عا**/ محدش يقدر يتكلم عنك اقطعله ل**نه.
سيلين/ لا علشان خاطري مش عاوزه مشاكل.
عا**/ خلاص ماتقلقيش انا همشي وراكي من بعيد انا بخاف عليكي بجد.
سيلين/ تمام بس من بعيد.
سهيله /بابا هي سيلين بتتأخر كده ليه هي مش فاهمه يابابا انكم بتقلقوا عليها.
عزت/ هي الساعه كام دلوقتي.
سهيله/ الساعه تسعه ونص وهي المفروض بتيجي ثمانيه انا خايفه عليها يابابا وبرن عليها موبايلها مغلق هي ممكن تكون راحت فين.
عزت/ هي اصلا بني ادمه مش بتحس لما تجيلي هطلع عينها وعين الي خلفوها.
سيلين/ روحت طلعت البيت قا**ها .
عزت/ بزعيق انتي كنت فين كل ده يابت.
سيلين/ برعب والله يابابا أتأخرت في الشغل.
حنان/ في ايه يا عزت بتزعق ليه.
حنان/ بصت لسيلين مالك يا حبيبتي انت حصلك حاجه مالك مخضوضه كده.
سيلين /مافيش حاجه انا والله كان عندي شغل مستر محمد كان م**م اخلصه انهارده لانه شغل متأخر والمفروض كنت خلصته امبارح ودموعها غلبتها.
عزت /وحيات أبوكي كان عندك شغل برده الله اعلم بتروحي فين وبتقابلي مين.
حنان/ بقولك ايه انت بتزعلقها ليه مش كفايه هي بتشتغل وشايله همها وبعدين اوعي تجيب سيرت الي خلفوها تاني.
ادخلي ياسيلين غيري هدومك ياحبيبتي.
حنان / يا سهيله.
سهيله/ ايوه يا ماما.
حنان /حضري لاختك لقمه تاكلها ياحبيبتي زمنها علي لحم بطنها من الصبح
عزت/ دلعيها ياختي ماهي هتبوز من دلعك فيها.
حنان سكت ودخلت اوضتها
سهيله حضرت لاختها الاكل.
سهيله/ يلا ياسيلين الاكل اهه جاهز ولا كأنك في لوكانده خمس نجوم.
سيلين كآنت بتعيط وواخده علي خاطرها من ابوها الي عمره ماحاسسها بحنيه ولا خوف عليها.
سيلين/ لا مش عاوزه انا هنام.
سهيله /لا ماما هتزعل لو ماكلتيش.
سيلين/ لا انا هنام علي طول مش قادره أكل.
سهيله /ببرود خلاص نامي وقعدت كلت الاكل كله وخرجت من الأوضة بالصنيه فاضيه.
حنان/ اختك كلت ياحبيبتي.
سهيله /اه يا ماما كلت الاكل كله دي كانت جعانه اوي .
حنان/ طيب ناديها تقعد معانا شويه.
سهيله/ لا خلاص دي هتنام ياماما اصلها تعبانه اوي وقالتلي انا مش قادره وهنام.
حنان /لعزت شوفت الله يسمحك **رت بخاطر البنت منك لله يا شيخ.
عزت/ بصلها بصت ق*ف واستهزاء من غير ما يرد عليها.
حنان /دخلت بصت علي سيلين ولقتها فعلا نامت بس دموعها علي خدها من الزعل.
حنان طبطبت عليها وقعدت جنبها تقرالها قرأن زي أبوها الشيخ عبدالله ماكان بيعمل معاها وهي مضايقه.
سيلين/ كانت حاسه بحنان بس عامله نفسها نايمه بس ارتاحت لما امها قرتلها قرأن وباست ايد حنان وحضنتها ونامت للصبح وفاقت علي صوت المنبه.
سيلين قامت من النوم أفتكرت عا** والي حصل طول اليوم وقامت مبسوطه علشان هتشوفه من تاني.
سيلين/ سهيله يلا فوقي علشان متتأخريش زي كل يوم.
سهيله /يوه انا نفسي أنام براحتي محدش يصحيني انا تعبت كل يوم مدرسه ومذاكرة ودروس.
سيلين/ معلش خلاص انت اخر سنه في الثانوي استحمليها وركزي اهم حاجه انك تجيبي مجموع.
سهيله / ماشي وقامت تلبس.
وسيلين قامت لبست وخرجت من الأوضة لقت مامتها مستنياها.
حنان/
صباح الخير يا نور عيني.
انت هتتأخري في الشغل انهارده.
سيلين/ بأذن الله لا ياماما هحاول ارجع بدري.
حنان/ متزعليش من ابوكي ده هو زعلقك علشان خايف عليكي الناس هنا في مصر غير البلد خالص وانتوا غلابه مالكوش في حوارات اهل مصر خلاص ياحبيبتي.
سيلين/ خلاص يا ماما انا مش زعلانة.
حنان /طيب روحي صبحي علي بابا علشان يدعيلك علي الصبح.
سيلين/ حاضر يا ماما..
سيلين / صباح الخير يا بابا انا أسفه والله اني ضايقتك إمبارح حقك عليا ماتزعلش انا أسفه.
عزت /خلاص مش زعلان انا خايف عليكم هو انا عندي غيركم.
سيلين/ خلاص يا بابا والله هحاول متأخرش تاني زي امبارح.
انا هنزل دلوقتي مع السلامة.
عزت /مع السلامة.
حنان /مع السلامه يا نن عيني ربنا يحفظكم من كل شر.
سهيله /استني يا سيلين انا خلصت اهه انت مستعجله ليه كده.
سيلين /مش مستعجله ولا حاجه انا بس خايفه أتأخر علي محضراتي عندي انهارده محاضره بدري.
سهيله/ يا سلام وهي بتبص ناحيه عا**.
سيلين/ بأرتباك وهو انا من امتي بكذب عليكي.
سهيله /انت مش ملاحظه الواد القمر الي ماشي ورانا ده كده ماشي ورانا كل يوم يوصلنا.
سيلين/ مين ده انا مبخدش بالي من من حد.
سهيله/ والله يعني مش واخده بالك.
سيلين/ اه يلا انت وصلتي اهه سلام علشان متأخرش.
سيلين ركبت الباص وكان وشها باين عليه الزعل.
عا**/ ركب معاها زي كل يوم وراح وقف جنبها
عا** / مالك يا سيلين انت معيطه
سيلين /لا مافيش حاجه.
عا** / لا انت مالك طيب انت تعبانه طيب تعالي ننزل أفطرك وبعدين نروح الجامعه مش هتتأخري متقلقيش.
نزلوا المحطه الي قبل الجامعه.
عا**/ بصي بقي هفطر عند احسن عربيت فول فيكي يا مصر.
هتدوقيه وكل يوم هتقوليلي فطرني هنا.
سيلين/ أبتسمت وماتكلمتش
عا** طلب الاكل وحاول يهزر مع سيلين علشان تاكل وفعلا كلت لأنها جعانه ومتعشتش من امبارح وكانت جعانه جدا.
فطروا وعا** جبلها حاجه ساقعه.
عا** /يلا نمشي للجامعه هي محطه واحده وبس ايه رأيك.
سيلين/ ماشي.
وهما ماشين.
عا** /مش هتقوليلي مضايقه ليه مين زعلك..
سيلين/ مافيش.
عا**/ انت لازم تقوليلي شكلها أختك القرشانه الصغيره.
سيلين/ سمعت اختك القرشانه الصغيره ضحكت
سيلين بضحك / حرام عليك والله دي اختي غلبانه بس هي لميضه حبتين مش هي لحظت انك بتمشي ورانا كل يوم.
عا**/ مش بقولك شكلها قرشانه.
سيلين /هزعل منك والله متقوليش عليها كده.
عا** /لا خلاص متزعليش كفايه عليها انك ضحكتي قوليلي بقي زعلانه ليه.
سيلين/ بابا اضايق اني اتأخرت امبارح وزعقلي بس ماما سيطرت علي الموضوع هو بابا خايف عليا بس انا اضايقت مكنتش عاوزه اقلقهم عليا.
عا**/ وده بقي الي مزعلك انا كان نفسي ابويا يبقي عايش ويزعقلي عادي وبراحته.
سيلين/ خلاص احنا وصلنا انا هروح الحق محضراتي.
عا**/ تمام وانا هستناكي زي كل يوم.
سيلين/باي باي
عا**/ مع السلامه.
سيلين دخلت علي كليتها تلحق المحاضره.
حبيبه/ تعالي اقعدي جنبي قوليلي ايه الي حصل امبارح ده الجامعه كلها بتتكلم عن الخناقه الي بسببك.
سيلين/ بسببي ايه والله دول حبت شباب كانوا بيضيقوني وفي طالب دافع عني وبعدهم عني انا حتي ماعرفهوش.
حبيبه/ واللهي ماشي ركزي في المحاضرة أحسن.
سيلين/ اضايقت من حبيبه وكانت طول المحاضره سرحانه في الي حصل ومتضايقة ان الموضوع اتعرف كده.
بعد المحاضره خرجوا كلهم اتجمعوا قدام مبني المحاضرات.
شله عمر ودعاء كانوا بيتكلموا علي موضوع خناقه سيلين.
حبيبه/ تعالي ياسيلين نشرب حاجه في الكافيه ونبعد عن الشله دي.
سيلين/ ليه يعني انا معملتش حاجه ادارا منها.
حبيبه/ انت عارفه اي موضوع بيعملوه زي اللبانه في بقهم كام يوم لغايت ماينسوا.
سيلين/ انا همشي.
حبيبه/ استني يا مجنونه راحه فين مش هتحضري بقيت المحاضرات.
سيلين/ والله انا مخنوقه هنا مشاكل وفي البيت مشاكل انا حاسه اني هتجنن.
حبيبه/ اهدي بس تعالي نقعد نشرب حاجه ساقعه واحكيلي مضايقه ليه.
سيلين/ حاضر يا لا بينا.
سيلين وحبيبه راح كافتريا الجامعه بيطلبوا حاجه ساقعه لقوا دكتور ماجد بيطلب قهوه.
ماجد/ ازيكم يا بنات اخبارك ايه يا سيلين.
مالك شكلك تعبانه.
سيلين/ فعلا والله يادكتور تعبانه وكنت لسه هروح بعد اذنك.
ماجد/ اتفضلي.
حبيبه/ وبرده م**مه تمشي تحبي أوصلك للبيت.
سيلين/ مش قادره اقعد هروح ارتاح شويه.
سيلين مشيت روحت وبعد ماركبت الباص افتكرت ان عا** هيقلق عليها بس الباص كان مشي خلاص سيلين اضايقت اكتر.
سيلين/ انا غ*يه اوي ازاي امشي ومافكرش فيه انه هيقلق عليه وهيقعد يدور عليا وانا للاسف مأخدتش رقم تليفونه.
سيلين روحت البيت بدري طبعا.
حنان/ مالك فيكي حاجه.
سيلين /لا ياماما تعبانه شويه قولت اريح انهارده.
حنان/ وشغلك مش هتروحيه.
سيلين/ بضيقه لا ياماما مش هروح.
حنان/ مالك يا سيلين اول مره تكلميني كده.
سيلين/ بعياط هستيري انا اسفه ياماما بس سيبيني ارتاح انا تعبانه لوسمحتي.
حنان/خدتها في حضنها مالك يا حبيبت أمك ايه الي جرالك لوتعبانه من الشغل اقعدي انا عارفه انك شايله حمل تقيل.
وقعدت تطبطب عليها وسيلين راحت في النوم علي طول.
حنان/ ياحبيبي ياعلي الله يرحمك
لو كنت موجود كل ده ماكنش حصل للغلبانه دي منك لله يا فهيمه حسبنا الله ونعم الوكيل ظلمتيني وظلمتي بنتي.
سيلين/ كانت سامعه حنان مين علي الي ماما بتتكلم عليه ولو كان موجود ماكنش حصلي كل ده وايه علاقته بيه وايه علاقه تيته فهيمه بالموضوع ده.
حنان افتكرت سيلين نامت غطتها وخرجت من الأوضة....
عا** راح زي كل يوم علشان يستنا سيلين
وقف كتير مستنيها اتاخرت عليه.
دخل الكليه بيبص عليها مش واقفه مع زميلها زي كل يوم.
عا** خير يا رب امال راحت فين دي.
لقي عمر جاي عليه.
عمر /هو انت بتدور على حد.
عا**/ هو انا سألتك علي حد وانت مالك.
عمر/ ايه انت كل يوم هتيجى تعمل مشكله هنا.
عا** /روح اقف مع شلتك يا حبيبي.
انت فاكر نفسك د*ك البرابر ياحبيب انت.
حبيبه/ جت ادخلت خلاص لوسمحت.
وبصوت واطي سيلين روحت تعبت وروحت.
عا**/ مالها ايه الي حصل.
حبيبه/ ولا حاجه الرخامة الي انت شايفها دي بس روح كفايه كده علشان خاطر سيلين.
عا**/ طيب هي كويسه ولا فيها حاجة حد ضايقها افرمه وهو مكانه.
حبيبه/ هي تعبت من الحوارات روحت ترتاح شويه.
عا** شكرا ليكي.
حبيبه/ انا حبيبه بيست فريند بتاعت سيلين
عا** /انا اسف ممكن تتصلي عليها علشان اطمن عليها.
حبيبه/ تمام مافيش مشكله أتصلت على سيلين اول مره لغايت ماالتليفون فصل.
حبيبه/ بصت لعا** مابتردش.
عا**/ معلش حولي مره كمان لو مردتش خلاص.
حبيبه / حاولت تاني التليفون بيرن وفي اخر لحظه.
سيلين /الو مين معايا.
حبيبه/ ايه يا بنتي انت نايمه وادت التليفون لعا**.
سيلين/ اه ياحبيبه تعبانه اوي مش قادره نمت اول ماروحت علي طول هو في حاجه
عا**/ كده يا سيلين تقلقيني عليكي.
سيلين /قامت وقفت من الخضه ايه مين وبصت علي اسم المتصل.
عا** /انتي نمتي تاني.
سيلين/ لا مش مصدقه نفسي.
عا** انت كويسه ولا فيكي حاجه.
سيلين/ بأرتباك اه انا كويسه بس حبيت اريح من الجامعه والشغل.
سهيله /دخلت ايه يا سيلين انت رجعتي.
انت واقفه كده ليه.
سيلين /ماشي يا حبيبه شكرا على سؤالك انا جايه الجامعه بكره ماتقلقيش عليا مع السلامة.
عا**/ مع السلامه.
انا مش عارف اشكرك ازاي ياحبيبه انا كان هيجرالي حاجه لو مكنتش كلمتها.
حبيبه/ اي خدمه.
مع السلامة علشان انا كمان هتأخر وهتعلق في البيت.
عا** /مع السلامه.
سهيله / مالك انت مسهمه كده ليه فيكي حاجه.
سيلين / لا انا بس تعبانه وحبيبه خضتني بمكالمتها دي.
سهيله / طيب رجعتي بدري ليه.
سيلين/ يوه تعبانه والله تعبانه.
ارجع بدري مش عاجب ارجع متاخر مش عاجب.
سهيله/ خلاص نامي نامي.
خرجت سهيله من الأوضة هي مالها دي.
حنان/ مالك يا سهيله وقفه كده ليه وبتكلمي نفسك.
سهيله / مافيش دخلت لقيت سيلين واقفه بتتكلم في التليفون.
واما سألتها اضيقت واتعصبت.
حنان / سيلين مضغوطه من الشغل للجامعه ومابتريحش نفسها.
سهيله /يعني حد اجبرها علي حاجه هي الي عاوزه تشتغل.
حنان /يابنتي هي حاسه بالظروف الي احنا فيها
وظروف ابوكي الي قاعد من غير شغل.
سهيله/ لا بابا مش قاعد من غير شغل.
حنان/ هو حبت السمك الي بيجبهم من الصيادين ويروح يبعهم للتجار ده شغل ده انت عيله فظيعه مبتعرفش تشكري في حد خالص.
سهيله /ياسلام انا مابعرفش اشكر حد.
حنان/ يلا روحي شوفي وراكي ايه.
سهيله/ انا راحه الدرس محتاجه حاجه.
حنان/ كتر خيرك يا اميره.
عزت /رجع من السوق.
حنان/ ايه يا عزت كل ده تأخير انت كنت فين.
عزت/ يعني هروح فين انا من السوق للبيت.
عامللنا أكل ايه.
حنان/ في سرها انت مابتبطلش اكل نفسي تسال علي عيالك مره.
عزت مابتردش يعني.
حنان / يعني هعمل الايه هو انت بتديني ايه يعني علشان اعملك بيه اللحمه والفراخ.
عزت /يعني أكل اردحي.
حنان / احمد ربنا انه موجود كفايه عليا فلوس دروس بنتك سهيله مطلعه عيني.
سيلين صحيت علي صوت امها وابوها.
خرجت من الأوضة واقفت علي باب اوضتها.
عزت /الله الله انت ماروحتيش شغلك ليه اوعي تكوني سيبتيه وهتقعديلي في البيت المشرحه مش ناقصه قتله.
حنان / ارحم نفسك هي عمرها شيلتك همها.
قولها مالك فيكي حاجه.
عزت/ انت مالك ماتدخليش بيني وبين بنتي.
حنان /بنتك اه صح.
عزت/ ايه ياوليه مالك انهارده انت واخده حبايه شجاعه.
سيلين/ خلاص ياماما انا مش زعلانه اسكتي علشان خاطري.
حنان /خلاص ياحبيبتي متقلقيش احنا واخدين على كده.
سيلين/ ماما انا هنزل أقعد مع سها جارتنا شويه علشان مخنوقه اوي.
حنان/ روحي ياحبيبتى غيري جو عن نفسك شويه .
سيلين/ عاوزه حاجه مني ياماما .
حنان /سلمتك ياقلبي.
سيلين نزلت راحت تقعد مع سها جارتها سها ساكنه اول بيت في شارعهم.
سيلين خبطت علي الباب .
احمد/ أخو سها اهلا وسهلا ياسيلين انت فينك.
سيلين/ الحمد لله بخير موجوده اهه.
ام أحمد/ مين علي الباب يا أحمد.
أحمد /دي سيلين ياماما زميلت سها.
ام أحمد/ تعالي ياحبيبتى اتفضلي .
سيلين/ ازيك ياطنط عامله ايه .
ام أحمد/ ادخلي ياحبيبتى صحيها دي صحبتك خم نوم.
سيلين دخلت صحيتها.
سيلين/ اصحي ياحلوه انا نفسي انام زيك كده وأشبع نوم .
سها /ايه ده ايه المفاجئه الجميلة دي وحشتيني ياوحشه .
وحضنتها جامد يابنت اللذينه.
سيلين /وانت كمان والله ياحبيبتي وحشاني اوي .
سها /احكيلي بقا عامله ايه واخبارك ايه والشغل خدك مني.
سيلين/ قعدت حكتلها علي كل الي حصل معاها وحكتلها علي عا** من غير ماتعرفها اسمه او ايه حاجه عنه وحكتلها عن ابوها ومعاملته الصعبه معاها ومع مامتها .
سها /ماتعيطيش هو انا قلبت عليكي المواجع حقك عليا احكيلي بقي علي الواد القمر الي قدر يحرك قلبك.
سيلين/ ابتسمت وسرحت في عا** وحنيته عليها .
سيلين / طب انا همشي بقي علشان بابا مايتكلمش معايا.
سيلين خرجت سلمت علي مامت سها .
وفتحت الباب وخرجت لقت عا** في وشها .
عا**/ ازيك ياسيلين انت فين خوفتيني عليكي ينفع الي عملتيه فيا ده.
سها/ ايه ده انتوا تعرفوا بعض ............. وباااااااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الخامس وشكرا لكل واحد شجعنى دومتم سالمين .??
يتبع بقلم #ملك_فريد
- Writer
- chap_listContents
- likeADD