" البارت التامن "
1629 Words
اتمنى البارت يعجبكم
( عشق العا** ) البارت الثامن
بقلم ✍️ملك فريد لطفى
.
حنان/ ادعيلها يابنتي الموضوع مأثر علي نفسيتها اوي.
سهيله/ ماما هو ايه الي حصل انا ماعرفش حاجه وبابا مقاليش اي حاجه.
حنان/ مافيش غير النكد والقهر الي ابوكي عامله فيها كل يوم وزاد وغطا ض*بها لغايت ماوقعت زي ماانت شيفاها ومكانتش راضيه تفوق.
سهيله /ربنا يشفيها ياماما ماتقلقيش ياحبيبتي.
احمد جه المستشفى وسها دخلوا علي عا**.
عا**/ ازيك يا احمد.
أحمد /ازيك يا حبيبي طمني عليك اطمنت علي سيلين.
عا**/ اه الحمد ودخلتلها وكلمتها.
سها /ايوه يا عم بس ايه الرومانسيه دي يا عا** يعني مش باين عليك خالص.
احمد/ لمي نفسك يابت لحسن اد*كي علي بوزك.
عا**/ سيبها يااحمد هفوقلها وارد عليها.
سها/ انتوا اتفقتوا عليا ماشي.
احمد/ امشي يا بت روحي اقفي مع الستات هناك.
سها /اتصدق انا غلطانه اني اقف معاكوا انتوا الرجاله مالكمش امان.
حنان/ تعالي ياسها اقعدي معايا سيبك منهم.
احمد/ ازيك يا طنط والله انت الي مدلعاها علينا.
وراح سلم عليها وعلي سهيله وعلي عزت.
عا**/ عاوزك يااحمد.
احمد /في حاجه ولا ايه.
عا**/ بص خاليك انت معاهم وانا هروح اغير هدومي وارجعلك بسرعه.
احمد/ يابني روح نام كمان انت تعبت اوي كفايه عليك كده.
عا** /مش هقدر يااحمد مش هقدر اسيبها واروح انام.
أحمد /ياحبيبي لايكلف الله نفسا إلا وسعها.
عا**/ كفايه عليا اني ابص في وشها بصه واحده انت مش عارف يااحمد انا حاسس بايه انا لازم اخلصها من الارف الي هي عايشه فيه ده.
احمد /يعني انت هتقدر تعمل ايه يا عا**.
عا**/ انا كلمت امها خلاص.
احمد/ كلمتها في ايه يا مجنون.
عا** /طلبت ايدها من امها وهي وعدتني تاخد رأيها الاول انا معروض عليا شغل كويس اوي مع مستر محمد الي سيلين شغاله معاه بمرتب محترم اوي ومستر محمد كلمني بنفسه لما جه هنا الصبح وانت عارف ان عندي شقتي الي انا عايش فيها.
احمد/ انت رتبت كل حاجه طيب هما هيرضوا يجوزوها وهي لسه في الكليه ده لسه قدمها سنتين.
عا**/ ادعيلي بس انهم يوفقوا اتجوزها علي طول انا عاوز انقذها منهم.
عا** /انا هروح اغير هدومي وهرجع علي طول مش هتأخر عليكوا اوعي تمشي غير لما ارجع.
سهيله/ ايه انت تعبت ولا ايه.
عا**/ لحنان انا هروح اغير هدومي وهرجعلك علي طول هتحتاجي اي حاجه احبهالكوا معايا.
عا** روح غير هدومه وكان اخر شياكه وبرفان وكان زي القمر كل الي يشوفه انت رايح تخطب ولا ايه.
عا**/ هو في ايه هو انا اول مره البس ولا ايه هو انا كنت عامل ازاي ولا هو الحب بيحلي بجد عدل هدومه ولياقته القميص باعجاب بنفسه ومشي راح علي المستشفى مصبرش حتي ينامله ساعه.
أحمد/ اول ماشافه ايه يا عم الجمال ده انت كنت فين.
عا**/ هو في ايه ده الي العادي بتاعي.
سها /لا بس انهارده متشيك حبتين.
عا**/ هو علشان انت نزلتيني فجاه وجيت علي المستشفى ببنطلون الترنج وتشرت البيت فاانتوا حاسيين بفرق، وبعدين انا لازم اتشيك مش هخش اطمن علي سيلين.
سها /اه يا عم يعني علشان الجو.
عا** /اقعدي انت في جنب، سكت اختك يااحمد.
احمد/ يابنتي انت جيبالنا الكلام كده على طول.
عا** /راح لحنان طمنيني يا ماما علي سيلين.
حنان/ لا الحمد لله بقت زي الفل والدكتور وقف المهدئات بس مقلل الزياره برده.
عا**/ ممكن استأذنك ادخل اطمن عليها انا مشوفتهاش من الصبح حنان/ اتفضل يا حبيبي انت تعبت اوي معاها من امبارح.
عا** لا يا ماما متقوليش كده ده انا اضحي بروحي علشانها
حنان/ حبيبي ربنا يباركلي فيكم يارب، هي سهيله جوه بتأكلها تخرج وادخل انت.
عا** حاضر ياماما شكرا ليكي،
وهما بيتكلموا خرجت سهيله بالاكل زي ماهوه.
حنان/ ايه يا سهيله اختك ما كلتش ليه يا بنتي.
سهيله/ مش راضيه ياماما بتقولي مش قادره ابلع حاجه.
عا** /لوسمحت ياماما ممكن انا ادخلها بالاكل وماتقلقيش هخليها تاكل.
سهيله/ وانت تاكلها ان شاء الله بصفتك ايه.
حنان/ مالكيش دعوه بيه ده في مقام خطيب اختك.
سهيله/ خدت الخبر بصدمه وقعدت جنب امها من الصدمه وسكتت مابقتش عارفة ترد تقول ايه.
حنان /عا** خد الاكل وأدخل عند سيلين لو كلت اعتبرني موافقه علي موضوعك الي كلمتني عليه..
عا**/ حبيبتي يا ماما وباس ايدها ودخل لسيلين.
سيلين ابتسمت انت لسه هنا .
عا** /طبعا انت عوزني امشي واسيب قلبي تعبان هنا في المستشفى.
سيلين/ ابتسمت ب**وف ومش عارفة ترد تقوله ايه.
عا**/ انتي ياهانم مش عاوزه تاكلي ليه انا عاوز عروستي تبقي قمر كده وهي قاعده جنبي في الكوشه هتاكلي ولا ارجع في كلامي.
سيلين /بأبتسامه انت بتقول ايه انا مش فاهمة حاجة.
عا** /بقولك عاوز عروستي قمر وهي قاعده جنبي ولا اشوف عروسه تانيه ولا ايه..
عندك عروسه تانيه ولا ايه بس تكون حلوه.
سيلين/ ضحكت لاء خلاص هاكل اهه.
عا**/ ايوه كده ناس مابتجيش غير بالعين الحمرا.
سيلين/ انت بقول ايه بقي فهمني بقي انا هتجنني انا مش عارفة انت قاعد بره بتعمل ايه .
عا**/ كلي الاكل كله وانا اقولك كل حاجه.
سيلين/ تاكل حبه وتقوله قول بقي علشان خاطري.
عا** /ابدا مش هقول حاجه غير لما تاكلي الاكل كله.
سيلين /فعلا خلصت اكلها كله احكيلي بقي.
عا**/ مافيش حاجه انا بيقولولي يابني انت مين وحاشر نفسك وسطينا ليه،وبعدين يا هانم ازاي وانت مغمي عليكي تخلي احمد يشيلك هو يعني انا رحت فين هه.
سيلين/ انا معرفش حاجه والله.
عا**/ عارفة لوعملتيها تاني وتخضيني عليكي كده تاني هعمل فيكي ايه، انا عا** الشاب الحلوه انزل بشبشب الحمام كده علي الشارع وبهدوم البيت انا اتفضحت خلاص مش هلاقي عروسه ترضا بيه ينفع كده, علشان كده متضطر اتجوزك .
سيلين/ هو احمد الي شلني ينهار ابيض انا مش عارفه هبص في وشه تاني ازاي.
عا**/ عيب عليكي بس انا اختك منه عند المستشفى قطمتيلي ضهري بصي كده انا شلتك مره يوم الفرح مش هشيل تاني.
سيلين/ هههههههه هههههههه لاء لوماشلتنيش في الفرح مش هتجوزك.
عا**/ احنا هنهزر انت يابنت مالكيش رأي في الموضوع ده انت هتلاقي شاب قمر وحلاوه زي كده فين يابنتي ده انا العرايس كده عليا.
سيلين/ حرام عليك انا مش قادره اضحك كفايه بقي.
عا**/ حاضر شكلك اخدتي علي النكد بتاع ابوكي عزت هحاول اخد قرص نكد منه قبل مانتجوز.
سيلين/ هههههههه لا بجد قول بقي انت قولتلهم ايه .
عا** مافيش مامت قالتلي انت مين وقاعد هنا ازاي وقاعد معايا في الاوضة ازاي.
عا** انا قلت لمامتك انا زميل سيلين في الجامعه وجاركم في الشارع واخر سنه ليه في البكالوريوس ومعتمد على نفسي اعتماد كلي وبطلب ايد بنتك سيلين اتمني تقبلي ان اكون جوزها.
سيلين/ اوعي اكون صعبت عليك علشان كده كلمت ماما.
عا** /يعني اي بنوته قمر تصعب عليا اتجوزها بس اه فعلا انت صعبتي عليا.
سيلين/ ياسلام.
عا** /طيب انت مش حاسه اني بحبك ده انا كنت هموت علشانك إمبارح.
بصي بقي انا هخرج علشان امك هتدخل تجبني من افايه.
سيلين/ هتمشي تروح.
عا** /عمري ماهسيبك غير ورجلي علي رجلك.
هرجعلك على طول اول مايمشوا.
عا** خرج والصنيه فاضيه من الاكل.
حنان/ ايه ده سرك باتع خلتها تاكل.
عا**/ اي خدمه يا ماما كده انا طلبي مقبول صح.
حنان/ بابتسامه طبعا اكيد ياحبيبي طلبك مقبول ماينفعش واحد زيك يترفض.
سهيله/ بتبص لامها بغيز ايه يا ماما الي انت بتقوليه بتوافقي من غير ماتسألي بابا او تسألي عليه.
حنان/ انت مالك انت وهو انت تفهمي ايه في الكلام ده وانا مش هعمل غير الي هيبسط اختك كفايه عليها ارف.
سهيله/ ياماما انا خايفه عليها والله ليكون بيضحك عليها.
حنان/ هيضحك عليها في ايه هو احنا حيلتنا ايه بقولك ايه هو شايف حالنا وشاف كل فضيحنا وموافق علينا.
وانا شيفاه أنه راجل وقد المسؤليه وبيحبها واختك هي الي هتقول الرأي النهائي في الموضوع.
سها/ ممكن ياطنط ادخل اطمن علي سيلين.
حنان/ اتفضلي يا حبيبت قلبي احنا تعبناكم معانا ياسيلين والله انت واحمد.
سها/ ياطنط انت زي ماما وسيلين دي اكتر من اختي.
حنان /ربنا يديم المعروف بينكم ياحبيبتي،
اتفضلي يا حبيبتي.
سها /روح قلبي الي مبهدلنا معاكي ايه يا بنتي المرمطه دي اي حد يزعلك اديله بالي في ايدك علي طول.
سيلين انت مش عارفة بابا عمل فيا ايه وهتعيط.
سها/ بابا ايه الي هتحكيلي عنه وتسيبي الواد القمر الي كان هيتجنن عليكي ومش راضي يروح من يوميها ايه يا عم الجمدان ده انت عارفة ده كان هي**ر المستشفى علينا من الخوف عليكي، ده بقي الي تحكيلي عليه مش بابا ياسوسه.
سيلين /انا مش عارفه اقولك ايه والله ماكنتش فاكراه الموضوع وصل لكده معاه ومين الي عارفه اني تعبت اصلا.
سها/ انا الي قمت بالمهمه دي امك قالتلي انك مغمي عليكي قولت اقوله يبقي مع احمد ويقف معاه والراجل بصراحه مقصرش شالك وجري بيكي.
سيلين/ بجد انا فكراه بيهزر عليا.
سها /بيهزر ايه انت يابت مبتحسيش ده بقي يجري بيكي في المستشفى.
سيلين/ اسكتي يافقر انا مش هعرف ابص في وشهم تاني طيب كنت حلوه كده ولا كنت منعكشه ومبهدله.
سها /يابنتي مرايه الحب عاميه ماتقلقيش انت علي طول حلوه وزي القمر في كل حالاتك ده كفايه شعرك الي زي الحرير ده انا نفسي في حبه منه بس..
سيلين/ اطلعي بره ياسها انا هخليهم يكتبوا علي الباب ممنوع دخولك سها هو الدكتور قال اني هخرج امتي، انا زهقت.
سها /ياع**طه لو روحتي مش هتشوفي عا** غير لما تخفي خالص.
سيلين/ عندك حق هو مستر محمد معرفش اني تعبت.
سها /يابنتي مستر محمد معانا هنا من اول يوم وبيروح امك وبيجبها الصبح راجل جنتل اوي، بقولك ايه هو متجوز.
سيلين /لا بتسألي ليه.
سها/ انت غ*يه عاوزه عريس يعني هسال ليه اصله قمر اوي.
الممرضه/ دخلت ايه ياحلوه عامله ايه انهارده انا شايفه ان الخدود وردت اهه والقمر رجع تاني .. عريسك له حق يتجنن عليكي ومش عاوز يروح ويسيبك انت عامله فيه ايه بس قوليلي يمكن اعرف أقصر علي الراجل الي في البيت هههههههه.
سها /تعلمني انا وانت بقي اوقع عريس امور كده.
سيلين/ ات**فت ومش عارفة ترد وفي سرها انت عملت ايه يا عا** خالت الكل ياخد باله كده. الممرضه/ ل سها خلاص سيبيها احنا **فناها اوي ومهياش ناقصه للدكتور يعلقني.
خرجت الممرضه.
حنان/ طمنيني يابنتي عليها هتخرج امتي.
الممرضه/ والله هي بقت زي الفل بس موضوع الضعف العام ده الي الدكتور خايف منه بس ولازم يطمن / يارب يشفيها ويعافيها ويفرحني بيها.
الممرضه مشيت.........
وباااااااااااااااااااس ياريت البارت يعجبكم وياريت تقوليلي رأيكم في الشخصيات وتعليقات كتير علشان انزل البارت العاشر ويارب اكون عند حسن ظنكم وشكرا ليكم ...
يتبع بقلم ✍️ملك فريد لطفى
- Writer
