CRYSTAL
Pagkagising ko ang sakit ng ulo ko. Nalasing ba ako kagabi? Pero natatandaan ko naman lahat ng nangyari kagabi eh. Inihatid ako ni Mark sa bahay. Nagising pa nga si Mommy pero mabuti na lang at nakaya ko pang makalakad at makaakyat papunta sa kuwarto ko.
Hindi naman nagalit si Mommy dahil nagdahilan si Mark kung bakit ako nakainom. Pero isa at kalahating baso lang ng cocktail talab na pala sa akin. Hindi ko na naubos 'yung pangalawang baso kasi nga nagyaya na si James pauwi.
James? Naku, galit nga pala ang asawa ko sa akin. Sinilip ko 'yung cellphone ko kung may text message o missed call niya pero wala eh. Kailangan ko talagang magpaliwanag at bumawi sa kanya kaya nagmadali na akong maligo at umalis na ng bahay.
Naisip kong pumunta sa condo unit niya bago ako pumasok sa trabah
