“LET’S talk, Andrei.” sabi ng ina ni Andrei, pagkahinto ng sasakyan niya sa garahe ng mansion. "Hihintayin kita sa opisina ng Daddy mo." sabi pa nito at nauna nang lumabas ng sasakyan niya.
Nagtagis ang mga bagang na napabuga na lang siya ng malalim na hininga bago lumabas ng sasakyan. Pagkapasok niya sa mansion ay dumeretso kaagad siya sa opisina ni Dhie.
“Ano na naman ba itong ginawa mong kapalpakan, ha?!” galit na bungad kaagad ni Mhie sa kaniya pagkapasok niya sa loob ng opisina ni Dhie.
Kapalpakan? Yeah, he is always a failure in his parent’s eyes. Sanay na siya na laging ganoon ang tingin nito at ni Dhie sa kaniya pero tang-ina, ang sakit pala kapag harap-harapan na nitong sinabi iyon sa kaniya.
Nagtagis ang bagang na nag-iwas siya ng tingin dito at kumuyom ang dalawang kamay n
