"Karma ko na ito. Sa lahat ng mga kasalanan ko, sa lahat ng kasalanan ng mga anak ko na in-tolerate ko lang." Anas ko, habang pinagmamasdan ang anak kong kasalukuyan narito sa morgue. Katatapos lang itong i-autopsy. Pero mukhang dahil sa pagkabagok at gutom ang dahilan nang kamatayan nito.
Ngayon ko lang napuntahan simula nang maidala rito. Tinapos ko pa ang libing ni Drido at Darrie. Ngayon, bibilang na naman ng araw. Maglilibing na naman ako ng isa pang anak.
"Sirang-sira na ang pangalan mo, Darrius. Ang tanging paraan na lang para maisalba ang mga negosyo na hawak mo ay ipagkatiwala sa amin ang mga iyon." Wala man lang akong narinig na salitang magpapagaan ng loob ko mula kay Silas na muling bumyahe pauwi rito sa Apolina. Dumagdag pa sa bigat nang dinadala ko ang sinabi nitong kukun
