"Kailangan nating iwasan muna si Darrius. Masyadong maraming problema ang taong iyon ngayon, at hindi magandang makaladkad ang pangalan natin." Nakabukod ang mesa nila Papa Silas. Ako ang nagse-serve ng kape sa mga ito. Ikalawang gabi ng burol. Iilan lang ang bisita.
"Magpapaalam na akong uuwi na. Ayaw ko ng problema, nagpunta ako rito para makapaglibang man lang. Pero sakit lang pala sa ulo ang makukuha ko rito."
"Uuwi na rin ako. Silas, ikaw na lang ang magsabi kay Darrius."
Mga klase ng kaibigan na kapag sa kagipitan ay iiwan ka. Mahusay lang silang samahan ka kapag nasa itaas ka. Kapag mapapakinabangan ka pa.
"Uuwi na rin kami ni Cora. Naiinip na ang asawa ko, at gusto nang makita ang mga anak namin sa siyudad. Hindi na kami makakadalo sa libing ng dalawang anak ni Darrius."
"
