Namamawis ang aking kamay. Para ngang kahit ang buong katawan ko'y gano'n din. Kasalukuyan ko ngayong pinapanood ang video na tinutukoy ni Kaylara. Pagpatak ng 7 pm kanina ay agad akong umuwi. Mahigpit kong binilinan ang dalagita na kahit anong mangyari ay huwag siyang tatakas. Hintayin n'ya akong ako mismo ang ang mag-alis sa kanya roon.
Rinig na rinig ko kung paano tumawa ang mga magkakaibigan na walang tigil sa pagkalabit ng gatilyo ng mga baril nila.
Lahat sila ay waring enjoy na enjoy.
Napanood ko rin sa video ang magulang ko. Nagmamakaawa. Pero kahit isa sa kanila ay walang nakinig.
Iyong sinasabi ni Kaylara na batang inagaw ni Taco Martinez sa isang babae, agad kong nakilala ang babaeng iyon.
Isa sa mga bisita na alam kong matalik na kaibigan ni Mama at nag-iisang pinsan nito n
