"Anong balita?" pasimpleng tanong ko kay Dollan. Kararating lang namin ni Hunter. Mukhang ako, si Dollan, at Hiru, ay tambay lang dito sa mansion. Tiyak na hindi lalabas iyong si Iskayla sa sobrang kahihiyan.
"Sobrang tahimik. Umalis nang maaga si Mayora. Si Sir Taco ay hindi ko pa nakita."
"Mas maagang umalis kanina." Singit ng isang tauhan sa usapan namin. "Baka nagpunta sa chicks. Kapag stress iyon ay roon nagpapakalma."
Iniwan ko sila. Nagpasya akong puntahan si Iskayla sa kwarto n'ya. Marahan pa akong kumatok bago nagpasyang pihitin ang doorknob para makapasok. Inabutan kong nakahiga lang si Iskayla sa kama.
"Iskayla." Tawag ko rito.
Hindi man lang ito lumingon sa akin.
"Nagamot na ba iyang mga kalmot mo sa mukha?"
"Lupita, I need your help."
"What help? May masakit ba sa 'yo?
